好好茶餐廳 (已結業)

細細個嗰陣就知道一句廣東彥言：「秋風起，食臘味」。可想而知，臘味喺廣東文化中係一道非常地道嘅美食。我甚至覺得，靚嘅臘味即管係瓊漿玉液、美味珍饈都無法媲美。講到特色，臘味同煲仔飯簡直就係perfect match 👍👍 至於而家，就當然捉緊冬天嘅尾巴，食多餐臘味煲仔飯熟咗之後面頭嗰浸飯粒完整、晶瑩剔透、香味醇厚；金黃色嘅飯焦唔單止脆而且滋味深長，直程就係寶物沉煲底。煲仔飯對我嚟講係有毒，而我中毒好深。