蘇媽.蘇媽馬來西亞茶餐室 (已結業)

呢間嘢其實有分店，應該係話原先個間店係桂林街尾，我幫襯過買外賣嘅，佢嘅老鼠粉一向係我最愛，佢亦整得好好味嘅。呢間開左一直想試，今次突然想起，就去買下外賣試下。到門外，末到6點已經好多人。門口睇樣樣都想試，最尾選擇左呢個檳城福州蝦麵，不過無分湯上，因為實在太唔環保了。（其實叫外賣而唔自備盒，已經好唔環保）叫左，先見到飯添，下次再試。跟住叫多個我最鍾意嘅意米水。佢嘅意米水有少許薑味薏米夠入味，肯定煲左好耐，但係單價$23，跟食物都要$16，我就覺得貴左D囉！個麵$40，唔錯，辣醬分開上，我未落，已經好好味，餸料都算足，豬軟骨可以再有味D，但係基本上都係物超所值嘅。