影片
更多
2021-07-06
3465 浏览
一向都知道九龍城出名食泰國菜, 遇著屯馬線開通咁興奮, 即刻坐地鐵去宋皇臺覓食！ 上嚟openrice做完功課, 決定嚟呢間小曼谷食！ 一出地鐵站行過馬路就見到, 幸好當日我哋好早到, 一坐低冇耐出面即刻開始有人龍😲 唔知係咪因為屯馬線, 再加翌日係公眾假期嘅關係？🤔坐咗喺門口旁邊嘅室內座位, 所以都會比較輕微熱咗啲, 不過點都好過要企喺出面再等過另一張枱🤣 有實體餐牌, 落單就doo QR code～ 我哋兩個人total ~HK$420食到好飽🤗飲品我哋order咗芒果沙冰🥭椰汁冰🥥 夏天必飲！椰汁冰就間間泰國餐廳都差唔多, 而芒果沙冰呢間算幾好飲！飲得出係用新鮮芒果打入, 可以叫少甜！青木瓜沙律正常發揮, 個汁唔太辣, 清新開胃之選, 青木瓜仲可以清熱添！ 蠔仔煎蛋用鐵板上, 賣相已經好吸引～ 超多飽滿嘅蠔仔, 冇沙！下面係滿滿嘅芽菜, 沾上少少泰式辣醬或者指天椒魚露, 超級泰國風味！主食我哋叫咗芒果蟹肉炒飯, 用上新鮮芒果同埋真蟹肉絲, 旁邊仲有啲肉鬆可以隨自己喜好加上！連平時唔係好食飯嘅我都食咗好多🤣 好食～見到枱枱都有叫到沙嗲串燒, 我哋都唔執輸叫嚟試下🤣 因為都已經飽飽,
上嚟openrice做完功課, 決定嚟呢間小曼谷食！ 一出地鐵站行過馬路就見到, 幸好當日我哋好早到, 一坐低冇耐出面即刻開始有人龍😲 唔知係咪因為屯馬線, 再加翌日係公眾假期嘅關係？🤔
坐咗喺門口旁邊嘅室內座位, 所以都會比較輕微熱咗啲, 不過點都好過要企喺出面再等過另一張枱🤣 有實體餐牌, 落單就doo QR code～ 我哋兩個人total ~HK$420食到好飽🤗
飲品我哋order咗芒果沙冰🥭椰汁冰🥥 夏天必飲！椰汁冰就間間泰國餐廳都差唔多, 而芒果沙冰呢間算幾好飲！飲得出係用新鮮芒果打入, 可以叫少甜！
青木瓜沙律正常發揮, 個汁唔太辣, 清新開胃之選, 青木瓜仲可以清熱添！
蠔仔煎蛋用鐵板上, 賣相已經好吸引～ 超多飽滿嘅蠔仔, 冇沙！下面係滿滿嘅芽菜, 沾上少少泰式辣醬或者指天椒魚露, 超級泰國風味！
主食我哋叫咗芒果蟹肉炒飯, 用上新鮮芒果同埋真蟹肉絲, 旁邊仲有啲肉鬆可以隨自己喜好加上！連平時唔係好食飯嘅我都食咗好多🤣 好食～
見到枱枱都有叫到沙嗲串燒, 我哋都唔執輸叫嚟試下🤣 因為都已經飽飽, 所以加單一串豬試試, 有驚喜喎, 熱辣辣上枱🔥剛剛燒起, 肉質幾juicy, HK$18串, 抵食！
走嘅時候大約八點鐘, 出面嘅人龍多到傻, 如果唔係啱啱食完, 我都唔會明點解咁多人幫襯😜 真係好食嘅, 有地道泰菜嘅味道, 服務員雖然超級忙 (見佢哋做到流曬汗) 但係依然幾好禮貌, 真心難得！ 可能因為餐廳極full, 加上我眼見出超多送外賣嘅單, 廚房應該已經爆capacity, 所以出菜就慢咗啲, 都要耐心等候一下！
张贴
