長阪燒 (已結業)

🍲汁燒霜降和牛溫泉蛋丼（$168）：一口和牛粒，油脂味香濃飽滿，肉質柔軟，空易入口。再將溫泉蛋輕輕劃開，蛋醬和燒汁相互平衡，兩者一同包裹住每一粒珍珠米，一啖一享受。店家於丼內加入偏幼細嘅高麗菜絲，保持整體肉食為主口感嘅同時，又做到平衡肉膩感，幾好。🍲三色魚生丼（$98）：三色飯是日海鮮為三文魚，池魚，以及帶子，丼面再舖上魚子粒。海鮮份量足，滿滿舖於丼面，都幾新鮮。用上紅醋米飯，有輕微嘅醋香。🍣蔥粒拖羅魚蓉卷（$18）：米飯方面一樣係用咗紅醋米，拖羅魚蓉幾鮮甜。呢度嘅卷物一粒份量等於普遍坊間嘅兩粒，滿滿嘅一口。建議女士讓師傅再一開二，男士應該會覺得勁滿足。😉整體而言：午市丼飯套餐附送小菜，味噌湯及沙律。位置坐得舒服，餐廳裝修幾靚，性價比都幾高。長阪燒 (旺角)地址：旺角砵蘭街189號2樓電話：25916669營業時間：12:00-23:00#香港食好西 #旺角 #砵蘭街 #丼飯 #野生代言人 #日式菜