長阪燒 (已結業)

今晚想食返餐正既日本菜，好耐無黎呢間旺角砵蘭街既長阪燒，就你啦！之前黎過都係食午餐，今晚第一次食晚餐。長阪燒係一間樓上餐館，入到去見到裝修非常日式，都幾賞心悅目。餐牌有沙律小食，刺身，深作壽司，壽司，爐端燒，串燒，一品料理，天婦羅，野菜，食事，甜品。見到呢到有日本直送刺身，好似幾新鮮，今晚就試吓先。點左三款剌身，等左一陣先有，因為師傅將三款刺身擺埋一齊冰陣住上枱，仲有海藻紅葉點綴，擺盤花左心思。金目鯛刺身1/4條 $350 另加一原條金目鯛刺身要$1400，可以要1/4條，照除。其實切出黎肉唔多，都頗薄身，可以沾另上嘅酸汁食。呢個價錢，當然必須係新鮮。北寄貝刺身 $238 另加一呢個價錢係一隻北寄貝，當然唔平。不過絕對唔係平時嗰啲熟北寄貝貨色，食得出係新鮮。赤海老刺身 $48 另加一赤海老刺身一客2隻，都唔算細隻。蝦頭有好多汁啜，正常質素。我地又係坐係壽司吧，可以望住好多日本直送刺身進餐。座位係木椅但係有個超舒服既cushion靠背。喺我哋用餐期間，聽到勁多客點刺身，去貨唔怕慢。