新斗記 (已結業)

好耐冇同過屋企人出嚟食飯，因為之前父親有啲唔舒服。近日佢活躍起嚟大家就話不如一齊食個晚飯呀。選咗呢一間朋友介紹嘅米之蓮餐廳。食美味中菜，聽講佢哋嘅乳豬10分受歡迎幾乎每一台都會叫。我哋叫咗個例牌，果然香脆而且充滿肉汁。肉質鮮嫩不會太油，一碟六件實在太少！下次要叫半隻。我好鍾意食龍躉就但係呢因為係街市買嘢唔係咁新鮮所以之前就已經叫做媽咪唔好再買街市的龍躉。有得揀應該要喺酒樓食，夠鑊氣夠新鮮，先迫得出個膠質口感出泥。點解呢個龍躉兩味，第一味係西芹炒腩，好多肉，西芹好嫩而且無根。鑊氣夠，未食第二味已經覺得抵。我睇錯左以為係頭腩煲，原來係蒸頭腩，仲正過頭腩煲，因為咁樣先食厚厚嘅膠質。鮮甜美味。好耐無食過芒果布甸，尤其係呢種小時候酒店的感覺，更加吸引。如果各位同我一樣喜歡這個老式的芒果布甸一定要試。龍躉兩食都係講緊＄390，平過屋企樓下大型酒家，米芝蓮食府實惠價格。長輩們都喜歡。