越大哥 (中興新街) (已結業)

同朋友去長洲一日遊，午餐去咗一間叫做《越大哥》嘅餐廳食飯，餐廳魚係食越南菜。我哋叫咗一份法包🥖，兩份串燒，和一份湯檬。餐廳細細間，嘢食非常好味！越式豬扒法包🥖，法包入邊夾咗豬扒🐖，芫荽🌿，蘿蔔絲🥕，洋蔥🧅，加埋秘製醬汁。法包外面香脆，入邊軟熟，豬扒多汁滋味，香菜新鮮又爽脆，醬汁酸酸甜甜，一啖咬落去多種味道。香茅串燒牛🐂，牛肉本身非常香，又嫩又腍，用香茅做腌料，啖啖香茅味，燒完仲有陣焦香味香茅串燒雞🐓，雞肉味道比較清淡，突出左香茅味，而且雞肉非常嫩滑，充滿雞油香味。招牌海鮮肉丸鮮茄蟹湯檬，呢個招牌囉湯檬真係非常鮮甜，湯底好味，配料好味，檬粉亦好好味。而且有蕃茄喺入邊，酸酸甜甜非常開胃咁熱嘅天氣，我哋仲叫咗2支beer，爽一爽，啤一啤。