故鄉俱樂部 (已搬遷) 新店位置

行咗一陣去五行石折返, 個肚又有吉位了, 食咩好呢? 紅豆餅吧! 之前食過好多次, 熱辣辣好味道, 故鄉茶寮是一位日本人吉野太太開的, 佢好親切, 鍾意抱住隻狗出嚟同啲客人吹水, 由於佢喺長洲已經轉咗三十幾年, 所以廣東話講得好好, 同客人溝通絕對冇問題。在門找個座位坐低慢慢嘆可能疫情關係銷情冇咁墟撼, 咬開紅豆餅冇咗嗰陣熱辣辣香噴噴嘅感覺, 紅豆餅只係微溫, 餅皮有點倒汗回濕之感, 今次有點失望。幸好紅豆餡依然份量十足, 軟綿綿的紅豆蓉, 入口香甜富紅豆香, 食罷又唔會好甜膩, 若然新鮮出爐, 餅皮香脆鬆軟的話, 自隊三件也冇難度, 不過唔係今日, 等人流多番啲先再來食。