影片
更多
2021-04-07
1869 浏览
要食长洲既地道美食，连平时长洲居民都成日食既野，去熟食中心就最好不过，我都系近期先知有间人气小店系熟食中心入面。以前去长洲都无特登去熟食中心揾野食，只系经过都见到好多人夜晚食海鲜，原来一直都错过左呢间出名沙嗲牛既大排档。通记又叫陈通记，系系长洲熟食中心入面既老字号大排档，最人气最多街坊食既有沙嗲牛、猪膶、鱼蛋、罗汉斋、甚至系本地渔民新鲜捉到既鲜鱿，不过鲜鱿就供货唔定，店铺当眼处会贴纸牌话悿大家知当天鲜鱿既供应情况。由码头行过去大概两分钟就到熟食中心，行到去中间就会见到通记既招牌，虽然系星期日人流多，但通记未至于坐爆人要等位。除了大排档既半室外位外，入面都有冷气室内位。落左单10分钟后野食就到。-1️⃣ 沙嗲牛肉米粉 💰33（👅: 8/10）通记既招牌系沙嗲牛汤底，出名味道够浓，食落唔太辣，反而充满椰香同花生味，而且会食到花生粒。其实本身汤底系会用新鲜金华火腿骨熬煮，不过加左沙嗲牛基本上饮唔出。可以睇到沙嗲牛非常之浓，会见到起哂沙，而且呢种沙嗲牛系落花生个种，食落花生味重，食到好多花生碎，口感丰富，如果你系钟意花生味既沙嗲牛，咁呢间好值得一试。而沙嗲牛既酱汁唔系浓稠个种，所以沟左汤之后都无特
要食长洲既地道美食，连平时长洲居民都成日食既野，去熟食中心就最好不过，我都系近期先知有间人气小店系熟食中心入面。以前去长洲都无特登去熟食中心揾野食，只系经过都见到好多人夜晚食海鲜，原来一直都错过左呢间出名沙嗲牛既大排档。
通记又叫陈通记，系系长洲熟食中心入面既老字号大排档，最人气最多街坊食既有沙嗲牛、猪膶、鱼蛋、罗汉斋、甚至系本地渔民新鲜捉到既鲜鱿，不过鲜鱿就供货唔定，店铺当眼处会贴纸牌话悿大家知当天鲜鱿既供应情况。
由码头行过去大概两分钟就到熟食中心，行到去中间就会见到通记既招牌，虽然系星期日人流多，但通记未至于坐爆人要等位。除了大排档既半室外位外，入面都有冷气室内位。落左单10分钟后野食就到。
-
1️⃣ 沙嗲牛肉米粉 💰33（👅: 8/10）
沙嗲牛肉米粉
$33
47 浏览
1 赞好
0 留言
通记既招牌系沙嗲牛汤底，出名味道够浓，食落唔太辣，反而充满椰香同花生味，而且会食到花生粒。其实本身汤底系会用新鲜金华火腿骨熬煮，不过加左沙嗲牛基本上饮唔出。
沙嗲牛肉米粉
$33
31 浏览
1 赞好
0 留言
可以睇到沙嗲牛非常之浓，会见到起哂沙，而且呢种沙嗲牛系落花生个种，食落花生味重，食到好多花生碎，口感丰富，如果你系钟意花生味既沙嗲牛，咁呢间好值得一试。而沙嗲牛既酱汁唔系浓稠个种，所以沟左汤之后都无特别浓而系比较稀，不过饮落都够味，而且唔会太咸。牛肉份量非常多，食落算软腍且无筋，不过沙爹味就欠奉，但会痴住好多花生粒。
沙嗲牛肉米粉
$33
36 浏览
1 赞好
0 留言
沙嗲牛最常见就系配公仔面，不过因为之后仲有好多间餐厅想食，就无食到咁HEAVY，而呢度最多人叫反而唔系公仔面，而系米通，米通就系又长又直既通粉，米通同沙嗲牛最夹既地方系因为佢中间可以索哂沙嗲牛既汤汁一齐食，但可惜去到个时米通好似岩岩卖哂(大概星期日既下午三点半) ，所以就叫左米粉。米粉食落正常，无话煮到太硬或者太淋。
成碗沙嗲牛肉米份量其实都几大下，如果一个人食食完应该就会饱食唔到其他野，建议可以同人一齐SHARE。
-
2️⃣ 西多士 💰23（👅: 7.5/10）
西多士
$23
30 浏览
1 赞好
0 留言
西多士系即叫即整，系新鲜炸起，上枱时系热辣辣。虽然影相影左一阵，不过上枱时其实牛油已经融到变成牛油水，证明个西多士真系好热，或者牛油好早就摆左上去。
食落面包够松软，西多士边食落都脆口，蛋香浓郁，西多士内馅系无花生酱，如果钟意食花生酱西多士既大家可能会无咁钟意。另外店员会问你要炼奶定系糖浆，二拣一，感觉炼奶会更好食所以拣左，炼奶同牛油加落西多士绝对系邪恶但好食既配搭。
-
3️⃣ 维他奶 💰12（👅: 7/10）
维他奶
$12
25 浏览
1 赞好
0 留言
维他奶就系平时熟食中心见到既樽装版，唔知点解觉得樽装既会特别好饮，如果系冬天饮觉得特别暖特别好饮。
-
🌟最可惜系食唔到沙嗲牛既米通，因为唔多地方有米通拣，谂起米通可以索哂D沙嗲汤汁，甚至会有花生粒就知好食，如果想食到确实要早D去。除左沙嗲牛之外，都有1D好怀旧既茶记选举好似滚水蛋、柠乐煲姜等。下次去长洲可以唔再盲综综净系食大鱼蛋同芒果糯米磁，呢间通记绝对系其中一间人气选择。
-
👅味道: 8/10
🍴环境: 6.5/10
💰消费: 68 (服务费: NA)
张贴
