東源小食店

营业中

休息中

雖然而家好多地方都有長洲大魚蛋食，但黎到長洲，好難唔食番串就走。因為平日黎，所以人都唔算多。好出名嗰間魚蛋檔剛好休息，前面有間又死氣沉沉冇乜氣息咁，所以就揀左呢喺路口比較光猛企理嘅食。記得我之前都食過一次，其實魚蛋就檔檔差不多，主要差異係調味。東源有多款醬汁選擇，除左原味，仲有麻辣、勁辣咖喱、青咖喱、黑椒、沙嗲、梅汁等，一律$10兩粒，可以互拼。另外仲供應雜果涼粉，$30有兩款配料，不過大部分人都係食魚蛋為主啦大魚蛋 (麻辣、勁辣咖喱) $10/2粒大魚蛋 (麻辣、沙嗲) $10/2粒同朋友一人一串，我地都比較鐘意食辣，所以揀左麻辣，麻辣味有啲料到，食到有花椒、辣椒嘅味道，幾過癮，但又未至於會辣到食唔到，好食。至於勁辣咖喱相料之下冇咁辣，帶少少咖喱味；而朋友就話沙嗲係唔辣的。魚蛋大大粒，魚蛋控好高興，而且幾款味道都浸得好入味，魚蛋夠彈牙，食落係爽不過有一點不足，我覺得魚蛋唔夠熱，會爭少少，我鐘意出哂煙咁放入口，辣度會更加明顯。老實講，兩粒就真係唔夠，但要食其他野我就姑且忍一忍。