多多美食 (已結業)

長洲賓客人數多。多數人客。。。係咪因為領滙啲商場倒模出黎。尖咀旺角銅記又開滿金鋪藥房。香港人假日要敗走外島。呢個復活節竟然 日日都幾萬人黎呢個小島。而我係其中一個。咁當然每個人入長洲都有唔同既目標。賞櫻。燒炭。曬太陽。又或者好似我咁食野！最後一站黎到呢到食相對比較新既金毛焗野。叫左焗龍蝦同蠔。由廚房不斷出爐既焗海鮮。面頭係厚厚一層既芝士之後係洋蔥同煙肉既焗釀料。面層係十分討好嫁。芝士焗得香口。洋蔥煙肉有炒過先焗唔係又水又唔香。但係下底海鮮就麻麻。蠔係好多隻蠔仔係一個蠔殻上面。冇蠔味又冇口感。收三十五一隻都無可厚非。如果係珍寶蠔黎焗我會肯比多啲。龍蝦係個子唔細既淡水龍蝦。過度雪藏令肉質過度堅韌同鮮味盡失。唯一吸引既只係蝦頭既蝦膏。兩個海鮮都似係載體多過主角。咁睇黎食帶子有so。