島中坊研

营业中

休息中

無論平日定假日都大排長龍，每次嚟親長洲都會嚟呢到碰一碰運氣睇下多唔多人排隊。布丁燒🍮口感好滑嫩，食落有啖啖蛋香，濕軟既蛋糕薄得嚟配少少焦糖汁，甜度啱啱好。焙茶芝士蛋糕相對地heavy 既甜品，幾鐘意佢味道唔會太甜，帶濃郁微苦既焙茶香，食到中間再連埋cream 一齊食係另一番味道。自家製糖漬檸檬梳打基本上係為左呢杯糖漬檸檬先嚟幫襯🤩自家醃製既糖漬加入梳打同冰，係夏天消暑佳品，飲完第一杯，再倒入餘下既梳打水後，可以叫店員refill 冰同檸檬。奄列套餐揀咗粟米同鹹牛肉做餡料，鹹牛肉多到滿瀉咁滯，略嫌牛肉可以少啲，粟米多啲去平衡番個味道。兩片奶油多士烘得幾香脆，中規中矩。全日早餐炒蛋略嫌熟左少少，牛角包香得嚟夠哂鬆脆，沾少少果醬煉奶真係一流。