影片
更多
2021-12-03
103 浏览
今日同朋友一齊去荔枝角呢間西餐廳，佢哋介紹話呢間餐廳嘅食物好好食，賣相又靚，咁等我去試真啲先。餐廳位置喺D2 Place，你地鐵站出口非常近，到地面行1分鐘就到啦。D2 Place附近都有好多唔同嘅餐廳，有平有貴嘅，呢一間就屬於附近中價嘅餐廳。餐牌都有好多選擇， set lunch可以揀豬手、牛扒、魚、連燴羊肉都有！牛扒價錢合理，連買頭盤甜品餐飲都係$200，不過真正要睇吓好唔好食先下定論。頭盤——忌廉煙肉薯仔湯，燒牛肉車厘茄沙律薯仔湯嘅質素係水準正常，食物溫度適中，配以法式麵包，送湯一流。朋友點左燒牛肉車厘茄沙律，法式醬汁特別醒胃，好期待主菜。朋友包括我一行三人分別叫咗唔同嘅主菜（包括三文魚扒、牛扒、羊肉）， casual dining 都唔係好介意我哋互相分享啦，先試三文魚扒，魚皮係脆嘅，魚扒厚身但係煎得啱啱好。調味方面，聞起上嚟已經係好香，食落去魚嘅肉好鮮嫩，一啲都唔乾。燴羊肉嘅醬汁十分惹味，有啲似紅酒燴牛尾嘅感覺，羊肉一啲都唔痴牙，平時少食羊嘅我都覺得滋味無窮。主菜最好食嘅就係牛扒，牛扒好大塊好厚超抵食，重點係燒起上嚟炭味好香，肉身一啲都唔乾。去到呢一刻已經好飽，但係仲有餐飲同
今日同朋友一齊去荔枝角呢間西餐廳，佢哋介紹話呢間餐廳嘅食物好好食，賣相又靚，咁等我去試真啲先。
餐廳位置喺D2 Place，你地鐵站出口非常近，到地面行1分鐘就到啦。D2 Place附近都有好多唔同嘅餐廳，有平有貴嘅，呢一間就屬於附近中價嘅餐廳。
餐牌都有好多選擇， set lunch可以揀豬手、牛扒、魚、連燴羊肉都有！牛扒價錢合理，連買頭盤甜品餐飲都係$200，不過真正要睇吓好唔好食先下定論。
頭盤——忌廉煙肉薯仔湯，燒牛肉車厘茄沙律
薯仔湯嘅質素係水準正常，食物溫度適中，配以法式麵包，送湯一流。朋友點左燒牛肉車厘茄沙律，法式醬汁特別醒胃，好期待主菜。
朋友包括我一行三人分別叫咗唔同嘅主菜（包括三文魚扒、牛扒、羊肉）， casual dining 都唔係好介意我哋互相分享啦，先試三文魚扒，魚皮係脆嘅，魚扒厚身但係煎得啱啱好。調味方面，聞起上嚟已經係好香，食落去魚嘅肉好鮮嫩，一啲都唔乾。
燴羊肉嘅醬汁十分惹味，有啲似紅酒燴牛尾嘅感覺，羊肉一啲都唔痴牙，平時少食羊嘅我都覺得滋味無窮。主菜最好食嘅就係牛扒，牛扒好大塊好厚超抵食，重點係燒起上嚟炭味好香，肉身一啲都唔乾。
去到呢一刻已經好飽，但係仲有餐飲同埋甜品。雖然甜品係一件好細嘅貝殼蛋糕，但係都已經足夠，一定會再嚟呢間餐廳食晚餐。
张贴
