影片
更多
2022-06-27
185 浏览
係飲食上，南美一個極少觸碰既區域，實在了解不多。網上介紹係長沙灣新開左一家以正宗拉丁南美洲菜式為主題既餐廳，見咁岩係附近所以決定去了解一下。.距離地鐵站不遠，餐廳唔係開係主流大街周邊帶幾分寧靜。分室內同室外位置，有寵物友善區域，室內樓底極高，甚有空間感，以極其型格霓虹燈做裝飾，部分係梳化區域，晚餐或小酌幾杯皆可，甚有情調。以玻璃分隔既廚房位置，可以俾食客見到廚師們在落力準備菜式。.好奇問過餐廳職員，先知原來主廚自細係南美委內瑞拉長大生活，所以非常熟悉當地菜式口味。回流香港後，決定將當地美食帶俾香港人。南美菜非香港主流，所以主廚堅持以地道材料，自己調配出各類甚有特色南美風格醃料、醬汁，為食客帶來正宗嘅口味。.餐廳推薦試下佢地招牌二人餐，用優惠價錢，一口氣試哂佢地所有招牌菜。.📋招牌二人餐 💲798.🔸前菜▪️青口 ⭐️3.7/5特色前菜有四款。先黎係青口，肉質肥厚Creamy。中間仲有豬油渣幾特別，配埋秘製醬汁，味道很不錯。.▪️傳統秘魯檸檬漬魚生⭐️3.8/5ᴄᴇʀᴠɪᴄʜᴇ檸檬醃生魚可算係秘魯既國菜，用生魚浸入檸檬汁，用檸檬酸將生魚的蛋白質變質。魚肉係純白色，口感嫩滑，食起上黎基本上同熟魚一
.
距離地鐵站不遠，餐廳唔係開係主流大街周邊帶幾分寧靜。分室內同室外位置，有寵物友善區域，室內樓底極高，甚有空間感，以極其型格霓虹燈做裝飾，部分係梳化區域，晚餐或小酌幾杯皆可，甚有情調。以玻璃分隔既廚房位置，可以俾食客見到廚師們在落力準備菜式。
.
好奇問過餐廳職員，先知原來主廚自細係南美委內瑞拉長大生活，所以非常熟悉當地菜式口味。回流香港後，決定將當地美食帶俾香港人。南美菜非香港主流，所以主廚堅持以地道材料，自己調配出各類甚有特色南美風格醃料、醬汁，為食客帶來正宗嘅口味。
.
餐廳推薦試下佢地招牌二人餐，用優惠價錢，一口氣試哂佢地所有招牌菜。
.
📋招牌二人餐 💲798
.
🔸前菜
▪️青口
⭐️3.7/5
特色前菜有四款。先黎係青口，肉質肥厚Creamy。中間仲有豬油渣幾特別，配埋秘製醬汁，味道很不錯。
.
▪️傳統秘魯檸檬漬魚生
⭐️3.8/5
ᴄᴇʀᴠɪᴄʜᴇ檸檬醃生魚可算係秘魯既國菜，用生魚浸入檸檬汁，用檸檬酸將生魚的蛋白質變質。魚肉係純白色，口感嫩滑，食起上黎基本上同熟魚一樣，似炙燒魚生片但更嫩一點。特別一提係伴碟有塊幾好食嘅番薯乾片，要餐廳提我地先知可以食。
.
▪️南美芝士蕃茄沙津
⭐️3.9/5
呢份沙津既賣點係南美芝士 - 口感似豆腐、亦似雞肉，餐廳建議要同小蕃茄一齊食先最滋味。
.
▪️蟹肉忌廉芝士炸雲吞
⭐️3.9/5
熱辣辣新鮮炸起嘅雲吞皮薄鬆脆，餡內忌廉芝士仲係流心狀態👍🏻。
.
🔸主菜
▪️秘魯特色燒雞
⭐️3.9/5
餐廳其中一個招牌作一定係呢一客秘魯燒雞。用左主廚特製既南美醃料包焗既燒雞，香料味濃自帶好輕微既辣，唔太食得辣既朋友都無問題。嗜辣既朋友，可以點埋佢地秘製調配南美辣醬。小小口試還好，大大啖就會食到後勁凌厲既辣味。難得係連配菜好似薯仔粒都一樣咁惹味，值得一試既菜式。
.
▪️和牛肉醬手工闊條麵
⭐️3.7/5
手工闊條麵麵身較厚有嚼頭，配埋牛肉醬，口感好似食緊千層麵。餐廳職員非常細心，見我同友人掛住開刷燒雞冷落左闊條麵，怕上面芝士凍左唔好食，好貼心主動幫我地再翻熱，呢點值得加分。
.
🔸甜品
▪️粟米芝士蛋糕
⭐️4/5
起初見到甜品係粟米芝士蛋糕，抱有懷疑呢個配搭唔知夾唔夾。呢款有南美風味既芝士蛋糕應該係參考左ʙᴀꜱQᴜᴇ ʙᴜʀɴᴛ ᴄʜᴇᴇꜱᴇᴄᴀᴋᴇ做法，但面就用左蔗糖，中間再加上粟米粒同石榴粒，估唔到成件事又幾夾好好味。
.
🔸飲品
▪️手搖水果冰茶 - 菠蘿 💲58
手搖水果冰茶一樣有驚喜。首先打卡靚靚，味道就清清淡淡好解渴，入面仲有啖啖菠蘿果肉，絕對係可以encore飲品。
.
總結：睇得出主廚好用心設計菜單，餐廳各職員都非常專業友善，服務貼心到位。本身對南美口味菜式期望不大，估唔到又出乎意料地喜歡，特別係粟米芝士蛋糕食完會想再食。
.
不專業食評 nei.foodie
秘魯特色燒雞
10 浏览
0 赞好
0 留言
和牛肉醬手工闊條麵
3 浏览
0 赞好
0 留言
南美芝士蕃茄沙津
9 浏览
0 赞好
0 留言
傳統秘魯檸檬漬魚生
7 浏览
0 赞好
0 留言
青口
5 浏览
0 赞好
0 留言
粟米芝士蛋糕
3 浏览
0 赞好
0 留言
粟米芝士蛋糕
4 浏览
0 赞好
0 留言
手搖水果冰茶
$58
2 浏览
0 赞好
0 留言
手搖水果冰茶
$58
3 浏览
0 赞好
0 留言
张贴
