佢哋嘅菜式都比較傳統，可以食到真正嘅韓國風味！
入座後隨即奉上幾款免費韓國前菜。
✰韓式燒鰻魚4件 $148
❥ 去韓國必食「招牌人氣新鮮烤鰻魚」，佢哋嘅燒鰻魚夠厚身，店員會幫手燒，咬落去好Juicy又爽脆，點埋鰻魚汁好惹味😋
❥而家有勁爆$100任食優惠！只要每位最低消費$250，其後每位+$100可以任食燒鰻魚！超級抵食！😍
✰熟成西班牙黑毛豬梅頭肉 $108
❥仲有韓國大熱💁🏻♀️全港首創海鹽牛油熟成豬肉，熟成7天😋 喺香港食到嘅餐廳，熟成豬肉比較罕見，我哋今次就揀咗「26days dried age 熟成豬梅頭」 肉質軟嫩充滿肉汁，估唔到肥膏比較少嘅豬肉都可以咁好食！
✰鹿兒島A4三角小排 $158
✰A5鹿兒島和牛肩胛肉 $188
❥雖然係韓國燒烤，但係都有日本和牛食🤣 油花超級靚！入口嗰種油花炸開嘅感覺非常滿足🤤
✰牛他他甜筒 $78
❥韓國必食生牛肉，呢度嘅生牛肉有個甜筒裝住好特別可以打卡！食嘅時候將甜筒壓碎，再撈埋梨條、蛋黃同埋醬汁，鮮甜美味。
✰招牌牛油熟成厚切豬五花 $238
❥半肥瘦嘅豬五花都係去韓國必食！呢度嘅都係熟成，以牛油封住，店員幫你燒之前會先刮走牛油。燒出嚟脂香四溢，非常好食！
1
✰醬油蟹膏蟹子拌飯 $108
❥今次冇食醬油蟹，但係就叫咗個醬油蟹膏蟹子拌飯，一樣好邪惡！啖啖都係醬油蟹膏味🤤
✰韓式水冷麵 $68
❥食咗咁多肉，食返個水冷麵解油膩感。好清新。
✰爆打香水檸檬茶 $48
❥700ml大大杯，唔算好甜幾好飲，消暑解渴
✰生菜 $20
❥食韓燒必然要點生菜，呢度嘅生菜冇免費，$20大大盤，燒肉再夾埋韓式辣醬同埋蒜片食最正！
💵4人食👩🏻🤝👨🏼👩🏼🤝👨🏻人均$360
