Lucy Coffee N Food (已結業)

又一間bookmark左好耐嘅cafe( ´▽｀) 小店位置較少，平日下午黎到已經滿座~ 食物方面有鹹食同甜點，提供純素選擇，而今次就食左兩款當日出爐嘅甜點~ 兩款都好有驚喜不過個人就覺得抹茶卷更出色😛. 🍵宇治抹茶卷好耐無食過咁重茶味嘅卷蛋❗️蛋糕體鬆軟富彈性，口感輕盈😚抹茶忌廉打得幼滑綿密，甜度適中，唔會過膩~ 面頭淋上抹茶醬，唔單止增強左視覺效果，仲大大提升左抹茶嘅濃度🤤每一啖都充斥住抹茶嘅回甘，相信會滿足到茶控😝不過蛋糕體嘅抹茶香相比之下就較為微弱~ .🍰白蘭地經典朱古力蛋糕平時都好少食酒味重嘅蛋糕，不過今次呢款甜品酒味雖然重但係都頗易入口~ 面頭嘅cream食落似tiramisu，蛋糕體嘅朱古力味好濃郁帶微苦，而酒味係慢慢滲出黎，所以after taste嘅味道層超級豐富😻整體甜品質素不俗，唯獨服務態度就有待改善🤦🏻‍♀️