影片
更多
2020-06-12
782 浏览
係，我又寫長沙灣～😂長沙灣真係太多好西～認真寫起食評，真係一匹布咁長！熟我嘅人，都知我好鍾意食梳乎厘Pancake，竟然係長沙灣比我搵到一間水準極高嘅小店！那就是位於集輝街嘅「雙生館」！小店距離地鐵站大概10分鐘步程，位置都唔算隔涉，門口有好亮眼嘅招牌，夜晚去，遠遠就望到。喺香港，我未食過一間嘅梳乎厘Pancake嘅質地做得咁好！鬆軟幼滑，唔會太空氣感，食完好似無食咁；又唔會太實，似食蛋糕多過Pancake 咁！水準拍得住日本水準（絕非誇張）！🤤小店提供咗7款梳乎厘Pancake，我就試咗其中3款～以下喺我個人喜好排名（最愛排前）：伯爵茶蝶豆＞抹茶紅豆＞草莓雜莓伯爵茶蝶豆Pancake♥️伯爵茶Cream無得輸！茶味香濃，質地好綿密！同鬆軟嘅Pancake好夾！佢係配蝶豆花汁，個人覺得呢個汁味道同普通糖漿差唔多，但顏色好特別，襯埋Pancake度影相好靚！抹茶紅豆Pancake♥️抹茶同紅豆算係最保險嘅組合，不過感覺同Pancake 襯埋一齊怪怪地😂都算好味，但個人覺得唔係最佳配搭。抹茶味幾清香，無苦味，紅豆大粒粉綿，整體感覺正正常常。草莓雜莓Pancake♥️呢個Panc
長沙灣真係太多好西～認真寫起食評，真係一匹布咁長！
熟我嘅人，都知我好鍾意食梳乎厘Pancake，竟然係長沙灣比我搵到一間水準極高嘅小店！那就是位於集輝街嘅「雙生館」！小店距離地鐵站大概10分鐘步程，位置都唔算隔涉，門口有好亮眼嘅招牌，夜晚去，遠遠就望到。
喺香港，我未食過一間嘅梳乎厘Pancake嘅質地做得咁好！鬆軟幼滑，唔會太空氣感，食完好似無食咁；又唔會太實，似食蛋糕多過Pancake 咁！水準拍得住日本水準（絕非誇張）！🤤小店提供咗7款梳乎厘Pancake，我就試咗其中3款～以下喺我個人喜好排名（最愛排前）：伯爵茶蝶豆＞抹茶紅豆＞草莓雜莓
伯爵茶蝶豆Pancake
$108
40 浏览
0 赞好
0 留言
伯爵茶Cream無得輸！茶味香濃，質地好綿密！同鬆軟嘅Pancake好夾！佢係配蝶豆花汁，個人覺得呢個汁味道同普通糖漿差唔多，但顏色好特別，襯埋Pancake度影相好靚！
抹茶紅豆Pancake
$138
24 浏览
0 赞好
0 留言
抹茶同紅豆算係最保險嘅組合，不過感覺同Pancake 襯埋一齊怪怪地😂都算好味，但個人覺得唔係最佳配搭。抹茶味幾清香，無苦味，紅豆大粒粉綿，整體感覺正正常常。
草莓雜莓Pancake
$148
33 浏览
0 赞好
0 留言
呢個Pancake最有份量，勁多雜莓，不過啲雜莓幾酸，有啲蓋過咗Pancake嘅蛋香味，我覺得呢隻味麻麻地。
另外，除咗梳乎厘班戟，我都好喜歡雙生館嘅膳食☺️佢哋主打無味精、少煎炸嘅健康料理，相對出面嘅餐廳，比較食到食物嘅原味，而且整體食物都係高蛋白、低卡，怕肥嘅人都不怕多吃。今次我係跟一班姊妹去食...叫了5-6樣主食，大家都好滿意食物嘅水準！而且每盤主菜都有好多蔬菜，營養豐富。不過，食物份量唔算多，我哋幾個網仔食都ok，不過For男仔就未必夠飽。
香焗比目魚扒配沙律🐟比目魚扒好鮮嫩，入口即化！魚皮輕輕煎過，香香脆脆咁，好正！另外，佢舖喺底嘅沙律，仲加咗橙肉同車厘茄，整體酸酸甜甜，幾開胃。
美國CAB牛扒10oz配沙律
$188
35 浏览
0 赞好
0 留言
用上有CAB認證啲靚牛，呢種牛出名大理石紋脂肪含量豐富，肉味濃郁。個人都幾滿意店家嘅煎牛扒，外脆內嫩，扒中心呈漂亮嘅粉紅色，食上口好Juicy～
川式帶子鮮菌櫻花蝦意粉
$138
31 浏览
0 赞好
0 留言
我未試過食用川菜風整嘅龍粉！醬汁帶少少麻辣味，幾香口，好特別！同埋入面仲有幾舊厚厚嘅花膠， 好入味（隻味有少少似鳳爪醬汁），嫩滑又彈牙，幾得意！
蝶豆咖喱雞扒定食
$78
34 浏览
0 赞好
0 留言
雞肉好嫩滑，雞皮煎得香脆，配咖喱，正正常嘅組合！呢度嘅咖喱日式做法，少少甜，蝶豆花為咖喱提供咗清新感，對比出面食到嘅咖喱雞扒，味無咁濃重。
山坡上的氣球
$58
31 浏览
0 赞好
0 留言
特飲方面，最有印象係呢款抹茶乳酪棉花，從無諗話抹茶乳酪可以撈埋一齊😂好特別！佢哋個乳酪好濃郁，酸甜味同抹茶嘅清香味意想不到地夾，好順喉，不知不覺就好快飲晒。
P. S. 我覺得雙生館嘅食物都偏向清新，健康為主，鍾意濃重口味，呢度未必啱食～不過對比食物，我會較愛佢哋嘅Pancake～
张贴
