影片
更多
2022-11-01
385 浏览
呢日去長沙灣工作，經過一間街坊麵包店「自·然烘焙」，被門口嘅蛋糕所吸引！蛋糕同麵包款式好多，蛋糕每件只係30幾蚊，但賣相精緻，乍看同好多高級蛋糕店差唔多！芒果芝芝（$38)小店好足本地用呂宋芒芒果製作，而且用上少甜配方，適合追求健康嘅人士！店員亦強調所有產品都不添加任何增味劑、人造糖及防腐劑，食得健康又放心！芒果芝芝蛋糕甜度剛好，慕絲蛋糕輕盈香滑，呂宋芒芒果香甜多汁，係性價比高嘅下午茶之選！雲呢拿奶凍($20)布丁質地滑溜，奶香十足，而且見到粒粒雲呢拿籽，食落更香，好有誠意！金剛圈名字好有趣嘅歐包，$15一大個，價錢實在太佛心！金剛圈口感軟熟，內裡係忌廉芝士餡料，香濃奶香，好食！小店仲有原個蛋糕售賣，下次朋友生日都訂番個試下先！
芒果芝芝（$38)
小店好足本地用呂宋芒芒果製作，而且用上少甜配方，適合追求健康嘅人士！店員亦強調所有產品都不添加任何增味劑、人造糖及防腐劑，食得健康又放心！芒果芝芝蛋糕甜度剛好，慕絲蛋糕輕盈香滑，呂宋芒芒果香甜多汁，係性價比高嘅下午茶之選！
雲呢拿奶凍($20)
布丁質地滑溜，奶香十足，而且見到粒粒雲呢拿籽，食落更香，好有誠意！
金剛圈
名字好有趣嘅歐包，$15一大個，價錢實在太佛心！金剛圈口感軟熟，內裡係忌廉芝士餡料，香濃奶香，好食！
小店仲有原個蛋糕售賣，下次朋友生日都訂番個試下先！
张贴
