影片
更多
2022-05-26
52 浏览
之前幫襯過北角「炯記」，對餐廳嘅印象唔錯，今日嚟長沙灣做嘢，發現原來元州商場地下都有分店，收工即刻約埋人一齊過嚟食餐晚飯。餐廳嘅裝潢好 Sharp 醒，全店以白色及淺木色為主調，設計簡約時尚，帶日系風格，配上一室明亮嘅燈光，予人清新乾淨嘅感覺。餐牌選項好豐富，以中西美食元素作招徠，除咗主打嘅手撕雞、燒味同鵝油撈麵之外，仲有 Dinner Set、All Day Breakfast、牛角包、意式特濃西湯等供應。手撕雞牛角包配南瓜忌廉濃湯 ($53) 手撕雞以三黃雞炮製，食落肉質好嫩滑，份量又夠多，可自選鹽焗或麻辣口味，配搭秘制醬汁，非常醒胃。牛角包好鬆脆，入口充滿牛油香氣，配上惹味嘅手撕雞，每一啖都係幸福滋味。南瓜湯味道十分香濃，用料很實在，食到絲絲南瓜蓉，而且煲得夠火候又入味。銷魂腩叉 ($68/例牌) 叉燒用上五花腩入饌，肉質半肥瘦，脂香豐腴又鬆化，食落無渣，甜味亦恰到好處，加上件件厚切，食完好有滿足感。醬皇冬菇豬手撈麵 ($58) 撈麵奉送老火湯、咖啡或茶及是日開胃菜。今日嘅老火湯係冬瓜紅蘿蔔湯，湯身熱辣辣，入口很清甜。蒜香雲耳味道亦很不錯，酸辣惹味。冬菇同豬手亦值得一讚，冬
之前幫襯過北角「炯記」，對餐廳嘅印象唔錯，今日嚟長沙灣做嘢，發現原來元州商場地下都有分店，收工即刻約埋人一齊過嚟食餐晚飯。
餐廳嘅裝潢好 Sharp 醒，全店以白色及淺木色為主調，設計簡約時尚，帶日系風格，配上一室明亮嘅燈光，予人清新乾淨嘅感覺。
餐牌選項好豐富，以中西美食元素作招徠，除咗主打嘅手撕雞、燒味同鵝油撈麵之外，仲有 Dinner Set、All Day Breakfast、牛角包、意式特濃西湯等供應。
手撕雞牛角包配南瓜忌廉濃湯 ($53) 手撕雞以三黃雞炮製，食落肉質好嫩滑，份量又夠多，可自選鹽焗或麻辣口味，配搭秘制醬汁，非常醒胃。
牛角包好鬆脆，入口充滿牛油香氣，配上惹味嘅手撕雞，每一啖都係幸福滋味。南瓜湯味道十分香濃，用料很實在，食到絲絲南瓜蓉，而且煲得夠火候又入味。
銷魂腩叉 ($68/例牌) 叉燒用上五花腩入饌，肉質半肥瘦，脂香豐腴又鬆化，食落無渣，甜味亦恰到好處，加上件件厚切，食完好有滿足感。
醬皇冬菇豬手撈麵 ($58) 撈麵奉送老火湯、咖啡或茶及是日開胃菜。今日嘅老火湯係冬瓜紅蘿蔔湯，湯身熱辣辣，入口很清甜。蒜香雲耳味道亦很不錯，酸辣惹味。
冬菇同豬手亦值得一讚，冬菇肉厚兼味濃，豬手炆得火候十足，表面油光令立，入口皮豐肉嫩，啖啖都充滿骨膠原。
伴吃嘅太子鵝油撈粗亦係水準之作，麵條撈咗用荔枝柴燒嘅燒鵝鵝油，夠晒巴閉，加上秘製甜豉油，將麵味昇華，入口甘香油潤，令人回味無窮。
张贴
