Fast Taste (金碧閣) (已結業)

平時無咩機會過海去長沙灣，今日因工作關係黎到長沙灣揾食，竟然揾到間有心做食物既小店。呢間fast taste 係元州街尾，見到鋪面出面貼左雜誌既食評，一條友食就入去一試無妨。鵝肝手打牛肉漢堡晚餐set鵝肝手打牛肉漢堡，個包有烘過，鵝肝算係煎得幾好，只係如果略加小小鹽會令到鵝肝既味更加突出。手打牛肉舊patty就正啦，seasoning到位，肉味夠，牛肉入面啲汁加埋一齊係口入面，精彩。你話比beef libxxty既話當然仲差啲，但係同burger窿既牛肉比？真係笑而不語。需知道現時既餐廳宣傳攻勢猛如虎，去到用餐時先發覺食物淡如水，去過更差既仲難食過自己屋企煮既。所以係呢個中伏既世代揾間用心做食物既餐廳算係幸運。