Amusement Eatery (已結業)

香港係美食之都，幾乎所有地嘅菜式都可以喺度食倒，朋友生日，壽星女話想試啲特別野，所以我就帶左佢黎長沙灣哩間主打食南美菜嘅餐廳。Amusement喺福榮街盡頭，加上門面比較暗唔太起眼，行過好容易會錯過。店內用左唔同顏色嘅霓虹燈做裝飾，走型格路線。餐廳嘅菜式選擇唔算太多，不過小食、pizza、主菜同飯麵每個項目都有幾款揀，當中亦有唔少南美菜式，如果驚食唔慣，可以只點一兩道試下。菠蘿水果茶 & 柚子水果茶($58) - 兩款水果茶雖然味道分別唔大，不過唔會太甜，茶味亦清新，略帶酸甜味啱晒而家仲熱嘅天氣。海鮮凍盤($98/細) - 凍盤用左切碎左嘅蝦、魷魚、蟹柳同燈籠椒，再落埋秘製嘅醬汁，食落酸酸地非常開胃，食時可以配埋碟邊嘅墨西哥車輪脆餅，鬆脆之餘亦唔會太油膩。牛舌($68) - 牛舌都幾厚切，口感幾彈，食時可以蘸埋另附嘅酸辣汁，酸酸辣辣幾醒胃。雙重辣肉腸手工披薩($188) - Pizza直徑約十吋，上面鋪滿芝士同辣肉腸，芝士帶少少半融有咬口，配埋鹹香辣肉腸好惹味，餅邊亦烘得香脆，非常好味。特式南美烤肉飯($188) - 烤肉非常豐富，有牛肉、雞肉、牛油果、太陽蛋同黑頭，食之前要先撈勻佢，