戀茶舍 (兼善里) (已結業)

最近有幾日天氣真係好熱，喺長沙灣經過呢間新開既台式飲品店就忍唔住叫咗2杯嘢飲吓。平時成日都係飲珍珠奶茶，今次我地就試吓水果類既特飲，分別係芝戀芒芒同埋芝士玫瓏脆啵啵。芝戀芒芒成杯飲品好重芒果味，入面啲芒果肉好厚好正，大熱天時飲真係一流，解渴又消暑。佢啲芝士奶蓋好creamy但又唔覺好膩，同埋芝士奶蓋同芒果好夾，飲飲吓就冇咗半杯lu~ 芝士玫瓏脆啵啵叫果陣店家強調入面真係用玫瓏蜜瓜肉整，好足料。杯野飲望落好吸引，飲落當真有驚喜，入面既蜜瓜肉好清甜同refreshing，而且啵啵Q彈過癮。2杯入面我鐘意呢杯多啲，蜜瓜味特飲唔算好常見，同埋清香解渴既蜜瓜汁真係好適合係夏天飲，一試難忘~~新開業期間仲有85折架！