意樂餐廳 (寶熙苑商場)

营业中

休息中

呢間平時經過左好多次都無入去食，今次同屋企人一齊試。大約夜晚7:45去到門口就已經直接入得，一睇個餐牌，價錢都係中等價位，大約60-100蚊一個主食或小食。睇完一輪最後叫左安格斯牛扒，黑松露煙肉菌皇忌廉意粉，柚子蜜味芝麻烤雞翼，蒜容包。安格斯牛扒(六成熟) 配薯條，賣相唔錯，塊扒幾厚身，但食落又唔算好JUICY，有少少韌。薯條就好好食，好脆，不過如果薯條份量可以再多D就更好。黑松露煙肉菌皇忌廉意粉，味道一般，無乜味，睇落好多汁，但其實食落去又唔夠CREAMY，如果當係一個清清地既意粉係幾唔錯的。柚子蜜味芝麻烤雞翼，有4隻雞翼，食左一隻先記得影，個雞皮好脆，外脆內軟，入面D肉都算滑，有點點JUICY，加埋柚子都係一個唔錯既小食。蒜容包，16蚊就有咁3大塊實在抵食，而且成塊都係搽滿蒜容的，唔似其他地方好多時都係搽一兩野得果少少就叫蒜容包!整體係呢區黎講，係一個乎合性價比的餐廳。