Belly Soul (已結業)

唔講真係唔知長沙灣廣場原來仲有三樓食肆，仲好多野食揀添，是日同朋友上黎食晏，揀左一間叫Belly Soul的健康有營食店，啱晒注重體重嘅朋友呀。餐牌寫左每個餐有幾多卡路里，仲有多款生酮食品揀，就算係生酮人都有啖好食㗎。我地叫左午餐，仲加埋甜品同飲品，超豐富😆今樣加埋都唔使三百蚊，對於健康食材嘅餐廳黎講實屬抵食。🥣餐湯&🥗沙律每份午餐都包一客餐湯或沙律，是日餐湯係忌廉蘑菇湯，creamy加上菌味香口，好好飲😋沙律菜新鮮爽口，仲有啲鮮菠蘿帶來酸甜味。🐓香草汁燴雞伴日本十六穀飯第一份主食揀左雞肉配十六穀飯，雞肉鮮味有咬口，十六穀飯唔硬喎，多左口感好好食，飯中仲有不少雜菌添。🐓慢煮雞胸伴野菌椰菜花飯青咖哩汁另一份主食都係揀左雞但今次配椰菜花飯，雞胸肉軟嫩，椰菜花飯混合入雜菌很香口，青咖哩汁小辣很惹味。🧀開心果巴斯克蛋糕跟餐可用優惠價加蛋糕，生酮蛋糕已經售罄，咁就試下呢款開心果芝士蛋糕先，開心果味好香，微甜，口感唔錯呀。🍵鮮奶焙茶茶香奶滑，又有靚靚拉花，仲好大杯添👍☕鮮奶咖啡咖啡同樣有靚拉花啱哂打卡，啡味香濃，絕對拍得住唔少咖啡店。好睇又好味，想食得有營健康啲，推介黎Belly Soul啊～