影片
更多
2023-03-08
94 浏览
📍Amusement 長沙灣深水埗真係開咗超級多Cafe，今日行到去差不多長沙灣嘅盡頭，就發現到一間cafe幾特別，原來嘢食真係唔錯❤️🔥👅 Roast Chicken Set $498呢個set係二人份量，前菜有牛油果沙律同埋炸芝士雲吞。主菜揀咗一個Pizza一個意粉，分別係佢哋自家製嘅壽喜燒pizza同埋新鮮松露雜菌手工闊條麵。餐飲就係黑糖檸檬梳打同埋熱朱古力。首先講吓牛油果沙律，全部都係新鮮嘅食材，酸酸甜甜嘅沙律醬特別開胃，仲有南瓜粒同埋提子乾等等，沙律菜上面嘅藜麥亦都可以增加咬口。至於炸芝士雲吞，餐廳係新鮮即刻炸起，入面芝士餡有蟹柳碎，夠鹹香又夠脆。今次Pizza試咗佢哋推介嘅壽喜燒味道，幾特別，木魚絲同牛肉份量都好多，感受到餐廳好努力融合唔同國家嘅菜式👍🏻另外新鮮松露手工闊條麵，雖然出面好多餐廳都有得食，但係佢哋嘅手工麵烹調時間掌握得好好，醬汁又唔會令到意粉太濕。餐廳幾好feel同朋友傾偈聚餐，有戶外嘅地方，亦都有室內嘅梳化，餐廳嘅員工亦都超級nice，會回頭再去🫶🏻
長沙灣深水埗真係開咗超級多Cafe，今日行到去差不多長沙灣嘅盡頭，就發現到一間cafe幾特別，原來嘢食真係唔錯❤️🔥
👅 Roast Chicken Set $498
呢個set係二人份量，前菜有牛油果沙律同埋炸芝士雲吞。主菜揀咗一個Pizza一個意粉，分別係佢哋自家製嘅壽喜燒pizza同埋新鮮松露雜菌手工闊條麵。餐飲就係黑糖檸檬梳打同埋熱朱古力。
首先講吓牛油果沙律，全部都係新鮮嘅食材，酸酸甜甜嘅沙律醬特別開胃，仲有南瓜粒同埋提子乾等等，沙律菜上面嘅藜麥亦都可以增加咬口。至於炸芝士雲吞，餐廳係新鮮即刻炸起，入面芝士餡有蟹柳碎，夠鹹香又夠脆。
今次Pizza試咗佢哋推介嘅壽喜燒味道，幾特別，木魚絲同牛肉份量都好多，感受到餐廳好努力融合唔同國家嘅菜式👍🏻另外新鮮松露手工闊條麵，雖然出面好多餐廳都有得食，但係佢哋嘅手工麵烹調時間掌握得好好，醬汁又唔會令到意粉太濕。
餐廳幾好feel同朋友傾偈聚餐，有戶外嘅地方，亦都有室內嘅梳化，餐廳嘅員工亦都超級nice，會回頭再去🫶🏻
张贴
