Amusement Eatery (已結業)

近排真係多咗嚟長沙灣，因為長沙灣開咗好多好正嘅餐廳，有一間正吸引到小編，就係主打南美菜嘅Amusement Eatery。餐廳整體氣氛偏暗，但有多彩燈光，又有特色牆又有打卡梳化位，同朋友聚餐就最好。食物款式唔係太多但各有特色，頭盤小食都非常吸引，真心推介。📌和牛肉醬墨西哥栗米片有兩款顏色栗米片，每片大小適中，片片脆口，最出色嘅係嗰和牛肉醬，口感有啲似肉醬意粉嘅肉醬，但更碎冇粒粒似蓉，味道有啲甜，可能係南美洲獨有味道，係討人喜愛嘅，份量都幾多，餐前食一半，餐後食埋剩返嘅一半📌牛舌以為普通做法，原來係凍食，配上酸酸甜甜醬汁，味道好特別之前未試過，牛舌本身爽口，適中厚度，整碟係驚喜📌特色南美烤肉飯（必食）賣相暗暗唔係太好睇，但材料非常豐富，有烤雞同烤牛，兩樣都出奇地唔韌同好嫩好滑，烤得好香同好入味，另外有叫Caraota Guisada嘅豆，質感軟軟腍腍又粉，好有咬口，亦有牛油果增加綠色原素，最後將太陽蛋同特製醬汁同飯搞均一齊食，非常美味，係正宗南美菜📌塔斯曼尼亞羊架配薄荷乳酪汁羊架原本叫medium但上碟似8成熟少了血色，但肉質仍然鮮嫩，不過小編有啲貪心想份量多啲，最正反而係嗰薄荷乳酪汁，