影片
更多
2022-08-02
118 浏览
去左長沙灣試左一間網上好HIT的中西合壁涼茶X咖啡專門店，究竟CAFE賣涼茶係咩玩法?先睇睇門口好骨子，啡色超高樓底的店面大開中門，視野廣闊，佢開行冷氣就算佢大開中門都一樣咁涼。(不過我反而諗緊佢呢個做法相當唔環保，其實閂返個閘焗住D冷氣先對個社會環境好D，開住門又開冷氣其實好浪費電力，背後亦製造返好多熱氣。)整體環境都好光鮮企理，仲有小物發售，個感覺有少少似外國間BLUE BOTTLE。飲品方面點左雞蛋花接骨木花啡湯力 + 冷萃銀菊咖啡雞蛋花接骨木花啡湯力 ，佢建議我飲左面頭D雞蛋花先再撈勻黎飲，佢裡面有少少咖啡酸味+甘苦味，而且有湯力水的微碳酸，飲落好新奇刺激，有別於一般咖啡，我覺得呢杯幾有趣。 冷萃銀菊咖啡，可能冷萃關係，味道清淡，飲到淡淡的銀菊露味道，同埋有少少咖啡的甘香，唔強烈非常易入口，但價錢係HK$49杯，值唔值就真係見人見志。食物點左兩款，有蘭王。八丁豚肉意粉 + 淮山薏仁豆腐雪糕窩夫意粉黎到份量唔多，HK$98都幾貴，但佢用左蘭王雞蛋就相當用心，意粉夾雜左豬肉+菇片，面頭鋪滿木魚碎，有少少似食緊卡邦尼意粉。蘭王蛋出名又貴又濃香，我個人最愛！撈埋個意粉食真係好濃郁，啖啖
先睇睇門口好骨子，啡色超高樓底的店面大開中門，視野廣闊，佢開行冷氣就算佢大開中門都一樣咁涼。(不過我反而諗緊佢呢個做法相當唔環保，其實閂返個閘焗住D冷氣先對個社會環境好D，開住門又開冷氣其實好浪費電力，背後亦製造返好多熱氣。)
整體環境都好光鮮企理，仲有小物發售，個感覺有少少似外國間BLUE BOTTLE。
飲品方面點左雞蛋花接骨木花啡湯力 + 冷萃銀菊咖啡
雞蛋花接骨木花啡湯力 ，佢建議我飲左面頭D雞蛋花先再撈勻黎飲，佢裡面有少少咖啡酸味+甘苦味，而且有湯力水的微碳酸，飲落好新奇刺激，有別於一般咖啡，我覺得呢杯幾有趣。
冷萃銀菊咖啡，可能冷萃關係，味道清淡，飲到淡淡的銀菊露味道，同埋有少少咖啡的甘香，唔強烈非常易入口，但價錢係HK$49杯，值唔值就真係見人見志。
食物點左兩款，有蘭王。八丁豚肉意粉 + 淮山薏仁豆腐雪糕窩夫
意粉黎到份量唔多，HK$98都幾貴，但佢用左蘭王雞蛋就相當用心，意粉夾雜左豬肉+菇片，面頭鋪滿木魚碎，有少少似食緊卡邦尼意粉。
蘭王蛋出名又貴又濃香，我個人最愛！撈埋個意粉食真係好濃郁，啖啖豬肉油香加上菇片好鮮味，令到成個意粉好RICH好濃郁咸香，好好食。
但男仕一定唔會覺得飽，因為真係幾細份。
淮山薏仁豆腐雪糕窩夫
其實好似只係擺左D薏米係面，同個CROFFLE完全無關係咁，開頭以為佢會將淮山同薏米都撈埋落去黎烤個CROFFLE出黎。
其實淮山我真係唔知佢擺左去邊，唔通真係撈左落個CROFFLE度? 定係個CROFFLE都有薏米係我睇唔到?
賣相幾靚，HK$68得一件其實有少少貴。
同朋友黎坐低飲下野係幾好幾舒服。
CROFFLE好鬆軟，好食。
雪糕正常普通，無乜特別。
整體感覺就係中西日合壁，而中式涼茶混合嘅感覺唔強烈，食物大多數都係日式，茶飲就西式。
佢另外仲有中式湯品，我覺得成間店的食物都有少少日和食店感覺，佢每一道單品都會有中藥食用解說，唔可以忘記涼茶其實係中藥一部份，但中式藥膳做法要再改良，好多都好片面，食物配搭互相之間無火花，有少少唔夠到位，我相信要搵返個中醫黎做顧問先可以更昇華，令每一道食物變成真正的藥膳。
暫時我覺得食物都好食，賣相都靚，環境都好，只係差藥膳呢個位有待改進，加油。
张贴
