Lucy Coffee N Food (已結業)

一直都有留意呢間咖啡店，之前好似喺荃灣開店既，然後搬咗嚟長沙灣哩度咁啱今日下午係深水埗出席完朋友嘅教堂婚禮👰👰難得幾個朋友咁耐冇見，梗係要座低傾下計啦俾我諗翻起呢間咖啡店，而且係教堂行過去都唔使5分鐘，一於就去呢度啦，我哋四個人行到去門口，發現原來店舖真係好細間呀，得三張小小的木枱，我哋難得黎到冇理由走嘅，於是四個人迫埋一張小小嘅枱度，迫啲溫馨啲OK嘅打開Menu發現有啲輕食嘅食物，同埋咖啡，果茶，我哋帶咗一個未來素burger，兩杯flat white，一杯馬岱有氣果汁同埋水蜜桃果茶，食物同嘢飲都好快上枱，大家都好期待個burger不過味道未有驚喜，朋友話唔太值呢個價喎，好似要$108?然後我杯咖啡係OK嘅，不過有啲細杯啊，飲咗三啖就無lu至於朋友杯水蜜桃果茶係無味嘅，好似要要$58?然後個杯有氣果汁味道幾特別嘅，可以一試！不過呢度實在太細間啦！一次就足夠了！