影片
更多
2017-05-16
599 浏览
除了食肆林立的油尖旺、銅鑼灣等地區外，其實近年長沙灣都成為不少人的搵食好地點。講真自從老公調咗去長沙灣上班後，筆者近排都花多咗時間來這區覓食。月初到訪時，找到一間新開張、而且 Pizza 做得幾有特色的薄餅店，今次就決定行遠一點，去挨近荔枝角的一間人氣西餐廳《Café Paradise》，一試店裡嘅「天堂」晚餐。店子位於長沙灣道 638 號，是家地舖，門面十分搶眼，牆身以純白色為主調，門外木架上放置著迷你旋轉木馬和摩天輪小擺設，色彩繽紛奪目，令四周添上歡樂氣氛。由於來之前做了點功課，知道餐廳都幾旺場，所以下班後，特意早點過來搵位。拉門內進，店面地方不大，座位亦唔算多，不過由於來之前剛下了場大雨，加上可能這天是 Blue Monday 的關係，客人不多，環境特別寧靜悠閒。安坐後先細閱餐牌，Set Dinner 選擇豐富，共有 6 款，而且價錢都算合理，定價由 $128-$208 不等，包是日餐湯、田園沙律、主菜、是日甜品、咖啡或茶，不過如果想轉配特飲，就要另加 $15，而轉花茶就每壺加 $25，如果將是日甜品換成任何 $50 以下之甜品則須另加 $25。至於散點方面，項目就比較簡單，只有
除了食肆林立的油尖旺、銅鑼灣等地區外，其實近年長沙灣都成為不少人的搵食好地點。講真自從老公調咗去長沙灣上班後，筆者近排都花多咗時間來這區覓食。月初到訪時，找到一間新開張、而且 Pizza 做得幾有特色的薄餅店，今次就決定行遠一點，去挨近荔枝角的一間人氣西餐廳《Café Paradise》，一試店裡嘅「天堂」晚餐。
店子位於長沙灣道 638 號，是家地舖，門面十分搶眼，牆身以純白色為主調，門外木架上放置著迷你旋轉木馬和摩天輪小擺設，色彩繽紛奪目，令四周添上歡樂氣氛。由於來之前做了點功課，知道餐廳都幾旺場，所以下班後，特意早點過來搵位。拉門內進，店面地方不大，座位亦唔算多，不過由於來之前剛下了場大雨，加上可能這天是 Blue Monday 的關係，客人不多，環境特別寧靜悠閒。
安坐後先細閱餐牌，Set Dinner 選擇豐富，共有 6 款，而且價錢都算合理，定價由 $128-$208 不等，包是日餐湯、田園沙律、主菜、是日甜品、咖啡或茶，不過如果想轉配特飲，就要另加 $15，而轉花茶就每壺加 $25，如果將是日甜品換成任何 $50 以下之甜品則須另加 $25。至於散點方面，項目就比較簡單，只有沙律、小食、Pasta 及 Risotto。
老公想吃牛扒，而我就睇中咗餐牌上的豬鞍，一於各點一客，大家 Share 來吃。是日餐湯為蘑菇忌廉湯，先舀起一匙試試，用料不多，質感稀薄，而且味道較淡，水準一般。田園沙律反而唔錯，賣相雖然是有點單調，碟上除了沙律菜外就只有兩顆已切半的車厘茄，但食味不俗，菜蔬夠囇爽甜脆身，而且油醋汁的酸甜味亦平衡得剛好，口感溫和。
主菜 280 克美國頂級肉眼牛扒配燒汁 ($208) 率先送上，肉眼只可以揀三成、五成或七成熟，老公選了七成，上檯時一看，嘩！果然非常大塊，斤兩十足，絕對無欺場。先切開牛扒一試，雖然揀咗七成熟，但肉質仍然很柔嫩，入口不會太韌，多汁無草腥味，而且肉味濃又香醇。配菜方面，唔算豐富，只有翠玉瓜、紅蘿蔔、蕃茄等，不講到最有驚喜，當然還是伴吃的一球薯蓉，面頭放咗鮮橙色的蟹籽，而裡面就混入咗黑松露，口感綿滑 Creamy，帶松露嘅幽香。
烤美國豬鞍配蜜糖燒烤汁 ($188) 接著送上，豬鞍扒分量十足，非常厚身，而且底面都煎得色澤金黃，賣相吸引。立即切開一嘗，肉質唔算好滑，有點嚡口，不過食落幾有肉香，加上伴吃的蜜糖燒烤汁，味道酸酸甜甜，用來配搭豬鞍一起吃，不但可中和膩滯，肉味亦更臻完美。記得不要錯過旁邊的薯蓉，纖維十分幼細，加上黑松露香，叫人一口接一口。
跟餐甜品其中一客 +$25 轉咗朱古力曲奇忌廉蛋糕，蛋糕賣相比預期平實，一點也不花巧，不過忌廉質地非常幼滑，而且夾層嘅海綿蛋糕鬆軟綿密，入口更帶陣陣朱古力香甜，配埋頂頭的巧克力脆片吃，口感都算幾豐富。至於另一款外形的的骰骰嘅蛋糕，其實係Tiramisu，雖然是跟餐附送，但味道唔差，不是一味死甜，帶少許咖啡的甘澀同 Mascarpone 芝士的甜香。
飲品選了凍檸檬茶 (跟餐) 和懷舊西餐廳才可見的黑牛 (+$15)，前者飲落有檸檬嘅自然果酸味，而且酸度適中，幾 Refreshing；而後者即朱古力雪糕溝可樂，黑襯黑的配色，冰涼的朱古力雪糕混和著衝擊味蕾的冰凍可樂，入口透心涼，是飯後的最佳配搭！
张贴
