牛大人台灣火鍋吃到飽 (瓊華中心) (已搬遷) 新店位置

經常爆滿嘅火鍋放題店，好多食材都係由台灣直送。三款唔同價錢嘅套餐，對自己好啲😆我哋就揀咗最貴個款《澳洲極上和牛》套餐，加埋一每人大約$350左右。湯底要左阿嫲養生濃湯鍋，蔬菜同菇菌好多，仲有啲紅棗杞子，同大大舊桃膠😋呢款套餐包咗任食特別款式：SRF美國黑牛後腿肉/安格斯牛小排/牛胸爽/澳洲和牛M5牛肩卷/手切封門柳/紐西蘭羊肉卷/花雕酒雞件，會額外送一份澳洲M9和牛牛丸（好食！）款式選擇雖然唔算話好多，但質素確係唔錯。尤其喜歡澳洲和牛M5牛肩卷同SRF美國黑牛後腿肉，牛味超濃又juicy；海蝦好鮮甜，又KO左30隻🤭；個台式蝦餃都好正。臨走每人可以order一份Movenpick雪糕。