影片
更多
2013-04-09
94 浏览
漁屋是一早經團購買的當時見到$159一位，仲要食5.5小時，咁抵當然買2張同個朋友去食啦！團購單內亦寫明每位會收取服務費$44.70，適用於星期日至星期四晚市。一個月前已經book 左位，仲要book 5:30，哈哈, 要用盡5.5小時。 入位後有位侍應同我地講，有d限量的食物要早些落單，我地就立即找找看有那些是限量。原來限量的食物多是三文魚頭、鮫、鰭及骨腩。今次因為時間尚早，去拎飲品先，冷熱茶、冷熱水自己斟，啤酒及汽水(有可樂、無糖可樂、玉泉忌廉、橙汁、提子汁、雪碧)自己隨便拎，仲有凍、熱清酒可供選擇，只要同侍應講就得，真的不錯。先食刺身，原本選了限量的雪花三文魚腩，仲要限每位1件的，但來到的只是我平時食的三文魚魚腩，之後encore 個輪都是一樣的，似是攪攪噱頭的感覺，都算新鮮肥美。蝦刺身有2款，有頭的是甜蝦，另外的叫玻璃蝦，2款都是不錯的選擇，甜蝦鮮嫩，蝦頭有膏，正！ 玻璃蝦則較爽口，但鮮甜度都就欠缺了。八爪魚和鮑片都是中上之選，但希靈魚就有d怪味，不太新鮮。一口手卷份量剛好，真的一口食得晒，哈哈，海膽三文魚籽及蟹籽都好鮮味。紫菜雖然有d腍但味道濃，加分。壽司可以不試，哈哈，我點
一個月前已經book 左位，仲要book 5:30，哈哈, 要用盡5.5小時。 入位後有位侍應同我地講，有d限量的食物要早些落單，我地就立即找找看有那些是限量。原來限量的食物多是三文魚頭、鮫、鰭及骨腩。
今次因為時間尚早，去拎飲品先，冷熱茶、冷熱水自己斟，啤酒及汽水(有可樂、無糖可樂、玉泉忌廉、橙汁、提子汁、雪碧)自己隨便拎，仲有凍、熱清酒可供選擇，只要同侍應講就得，真的不錯。
先食刺身，原本選了限量的雪花三文魚腩，仲要限每位1件的，但來到的只是我平時食的三文魚魚腩，之後encore 個輪都是一樣的，似是攪攪噱頭的感覺，都算新鮮肥美。蝦刺身有2款，有頭的是甜蝦，另外的叫玻璃蝦，2款都是不錯的選擇，甜蝦鮮嫩，蝦頭有膏，正！ 玻璃蝦則較爽口，但鮮甜度都就欠缺了。八爪魚和鮑片都是中上之選，但希靈魚就有d怪味，不太新鮮。
一口手卷份量剛好，真的一口食得晒，哈哈，海膽三文魚籽及蟹籽都好鮮味。紫菜雖然有d腍但味道濃，加分。
壽司可以不試，哈哈，我點了蟹棒芝士燒，腥的，好難食，不知道是不是被隔離個件鰈魚背污染了，鰈魚背壽司是朋友的，她說入口即溶，但這不是讚美啊！哈哈，她說質感好噁心。
之後點了一些小食，魚翅芝麻八爪魚及中華沙律，用玻璃杯上，視覺效果不錯，八爪魚有5-6隻，大細不一，適合不同人士，如貪心的我食了大隻的，斯文的朋友就食細的，剛好一口一隻，2款小食都不錯，八爪魚的汁不會太稠，是我喜歡的質感。
限量的三文魚鮫同三文魚腩骨都上枱，雖然放得有點醜，但絕對好味，三文魚鮫夠大件，魚味濃，肉嫩。 三文魚腩骨是薄薄的，都算大件，加上七味粉，加上油脂甘香，當然encore啦，食左3件，好好味！
又係粟米上場的時候，今次粟米唔係串燒，而是鐵板燒，超正，上枱時還是超熱的，牛油的香味好引人，我不停的攪拌以免它焦底，一整碟差不多比我食晒。為左方便進食，問侍應a拎匙羹，他竟然忘記了，都明白他們很忙，所以我就問另一個侍應b拎，已經拎到匙羹食緊的時候，侍應a突然在後面講左句，sorry 唔記得左拎匙羹比你地，啊! 你真的好有心，原來記得的，還道歉，服務態度真的很好。
鐵板炒蜆唔掂，個樣好大碟，其實多數是殼，總數得7粒肉，唔算太新鮮。原先order 的鐵板牛油帶子變左蒜香帶子，幸好不錯，炸蒜好香，帶子偏軟身。
食得七七八八，仲有好多時間，點了燒日本河豚魚干，第一輪的魚干偏硬，可能燒過火了，第二輪就剛好，可以慢慢食，傾下計。
漁屋長串燒 (有海蝦，青椒，芝芯丸，車里茄，帆立貝) 呢串野睇上去好吸引，但問題來了，因為面頭有燒汁，凍了會變硬，隻海蝦完全拎不到出來@@ ，另外就係幾樣野的味道係唔match 的，究竟點解要放咪一齊呢？青椒，芝芯丸，車里茄都好味的，帆立貝就好細，冇味。北海道海鮮鍋，滿滿的海鮮，有蝦、魷魚，蜆，帶子，蟹柳等，但用料不新鮮，
好難食。
最後一客芝士年糕，下，半粒？ 芝士又唔流出黎架wor，好勁，所以我覺得佢係雪櫃拎出黎切一半之後拎去微波爐叮熱，否則唔會做到呢個咁奇異的效果。甜品有雀巢雪糕4款味，紅豆，朱古力，芒果，雲呢拿，食左3杯。四方啫喱有2款味，青檸同黑加侖子味，仲有百福豆腐花。
環境不錯，店舖感覺開揚，整潔，坐位也舒適的。但漏單情況幾嚴重，幸好今次咁長時間，如果2個鐘的放題，都唔知食物黎的數量夠唔夠飽，雖然有所謂的跟單人員，其實她都是叫你重新order 一次未黎的食物，此方面真係有待改善。张贴
