海南少爺 (已結業)

平凡的一個星期天，天氣太熱，所以都係去商場行吓作為長假期的結尾。好好彩可以坐到窗邊，風景怡人。點了馬來西亞風味的肉骨茶，藥材味夠濃，不過只有兩條豬肉排，可能近排豬肉貴，下次可以試吓星加坡風味嘅肉骨茶，白胡椒豬肚味，我諗應該都會好味。印尼炒飯很好味，因為太肚餓，所以唔記得影相。飯乾濕度啱啱好，配一些生青瓜同埋甜洋蔥，味道層次豐富，有2條沙嗲串，3隻蝦，足料，但係味道淡少少會再好啲。喇沙面湯底好甜，辣度適中。同樣有3隻蝦，湯都差唔多飲晒😅。