食味道小廚

营业中

休息中

一個充滿地道人情味的街坊大排檔，食盡鑊氣小菜！環境雖然簡單，不過每晚都熱鬧非常，好有大家庭感覺。最近同幾個老友記相約嚟搵食，試吓馳名嘅走地雞同乳鴿，仲可以帶新鮮海鮮加工！薑蔥霸王雞用上新鮮走地雞，雞肉皮爽滑、肉質結實帶少少彈性，啖啖肉都食到淡淡雞香，配埋薑蔥鹹香又爽口。乳鴿皇則皮脆肉嫩、外香內多汁，咬落仲有少少鴿油，真係唔得了。椒鹽鮮魷鑊氣十足，外層香脆內裡鮮甜。我最驚喜係黃金涼瓜，用鹹蛋黃炒香，苦味被壓到好細，反而多咗份鹹香口感。蒜泥白肉亦超開胃，每片豬肉都吸飽咗香辣蒜泥汁，辣得醒神，配埋冰凍啤酒一流。嚟熟食中心，食住聊住，啖啖人情味，都係最開心嘅晚餐。