入口

营业中

休息中

呢間餐廳嘅花膠雞湯泡飯真係相當有水準！雞湯濃郁鮮甜，完全感受到熬煮嘅功夫，帶出雞肉天然嘅旨味，同時花膠滑溜帶黐嘴感，每一口都充滿滿足感。最讚嘅係飲晒成碗湯都唔覺口渴，亦冇嗰種過量味精嘅嚡口感，證明用料講究，絕對係用心熬製。另外試咗花膠海鮮泡飯，最驚喜嘅係佢哋選用新鮮海鮮，而非雪藏貨，食落海鮮彈牙鮮甜，絕對加分！以呢個價錢嚟講，性價比高，而且每一款都係用心製作，值得推薦。香蔥油無骨雞亦係亮點，雞肉滑嫩入味，蔥油香氣撲鼻，簡單但令人回味。整體而言，呢餐食得非常滿足，已經開始期待下次再訪，特別想試埋佢哋嘅咖喱！期待下次可以試到更多驚喜之作！