影片
更多
2024-07-23
1165 浏览
原本諗住食燒味飯行到過嚟冇開門，咁就試吓食豬什粉啦，之前行過好多次都冇食，因為店舖真係太細，但今晚食咗真係有驚喜喎👍🏻👍🏻👍🏻我係好鍾意食內臟嘅人，豬牛雞嘅內臟都好鍾意😎我叫咗碗＂足料豬什湯＂，淨豬什嚟嘅，冇粉麵，因為我想食多啲內臟🤣 加咗$10花甲仔，再加咗$10枸杞葉，盛為$98！裏面有瘦肉、豬肺、豬肚、豬心、豬潤、粉腸，火候煮得幾好，唔會過熟硬晒，湯底超級甜，忍唔住攞隻大匙羹飲晒！份量都算多，好飽👍🏻👍🏻我老公一向嘴刁都讚好味！佢叫咗三餸，豬肺、豬肚、豬心，配公仔麵，都係成碗食晒，飲晒成碗湯😎除咗有辣椒油，仲有辣菜脯放喺枱面可以任加嘅，不過我同老公都唔食辣，所以就冇加到！睇返介紹，自設豬肉檔，大埔元朗天水圍都有豬肉檔，保證來源新鮮👍🏻但係店舖真係非常之細，只有三張摺檯即係六個位，而且冷氣唔夠，始終都係冇門嘅，有冷氣都走晒啦！大熱天時嚟到仲要飲晒成碗湯，大家嚟試嘅時候真係要有出汗嘅準備🤣🤣但係為咗食好嘢，我就唔怕熱嘅😁😁
我係好鍾意食內臟嘅人，豬牛雞嘅內臟都好鍾意😎
我叫咗碗＂足料豬什湯＂，淨豬什嚟嘅，冇粉麵，因為我想食多啲內臟🤣 加咗$10花甲仔，再加咗$10枸杞葉，盛為$98！
裏面有瘦肉、豬肺、豬肚、豬心、豬潤、粉腸，火候煮得幾好，唔會過熟硬晒，湯底超級甜，忍唔住攞隻大匙羹飲晒！份量都算多，好飽👍🏻👍🏻
我老公一向嘴刁都讚好味！佢叫咗三餸，豬肺、豬肚、豬心，配公仔麵，都係成碗食晒，飲晒成碗湯😎
除咗有辣椒油，仲有辣菜脯放喺枱面可以任加嘅，不過我同老公都唔食辣，所以就冇加到！
睇返介紹，自設豬肉檔，大埔元朗天水圍都有豬肉檔，保證來源新鮮👍🏻
但係店舖真係非常之細，只有三張摺檯即係六個位，而且冷氣唔夠，始終都係冇門嘅，有冷氣都走晒啦！大熱天時嚟到仲要飲晒成碗湯，大家嚟試嘅時候真係要有出汗嘅準備🤣🤣但係為咗食好嘢，我就唔怕熱嘅😁😁
张贴
