影片
营业时间
今日营业
11:00 - 20:30
星期一至日
11:00 - 20:30
以上资料只供参考，请与餐厅确认详情
原本谂住食烧味饭行到过嚟冇开门，咁就试吓食猪什粉啦，之前行过好多次都冇食，因为店舖真系太细，但今晚食咗真系有惊喜㖞👍🏻👍🏻👍🏻我系好钟意食内脏嘅人，猪牛鸡嘅内脏都好钟意😎我叫咗碗＂足料猪什汤＂，净猪什嚟嘅，冇粉面，因为我想食多啲内脏🤣 加咗$10花甲仔，再加咗$10枸杞叶，盛为$98！里面有瘦肉、猪肺、猪肚、猪心、猪润、粉肠，火候煮得几好，唔会过熟硬晒，汤底超级甜，忍唔住攞只大匙羹饮晒！份量都算多，好饱👍🏻👍🏻我老公一向嘴刁都赞好味！佢叫咗三𩠌，猪肺、猪肚、猪心，配公仔面，都系成碗食晒，饮晒成碗汤😎除咗有辣椒油，仲有辣菜脯放喺枱面可以任加嘅，不过我同老公都唔食辣，所以就冇加到！睇返介绍，自设猪肉档，大埔元朗天水围都有猪肉档，保证来源新鲜👍🏻但系店舖真系非常之细，只有三张折台即系六个位，而且冷气唔够，始终都系冇门嘅，有冷气都走晒啦！大热天时嚟到仲要饮晒成碗汤，大家嚟试嘅时候真系要有出汗嘅准备🤣🤣但系为咗食好嘢，我就唔怕热嘅😁😁
继续阅读
第一次去，发现佢原来只有一间窄舖，三张枱左右，最多容纳6-8个客人。第二次去到，见到门口有位，妻子二话不说立即坐下。😹大家都点了猪什，我点的濑粉，可能新鲜即刻逐碗煮，尚带弹牙口感，我谂如果食米线可能更加弹；第一片吃的猪润，尚带少许咬口，😀简直惊人，甜香而又不太老，非常出色。猪肺的份量不太多，不过够爽够清香，😅相当可口；猪肚亦都相当爽口，吃得过瘾。猪杂汤底够清够香，清得来不会完全没有未，猪杂浓香得来又不会过咸，味道一流。另外，可以跟猪杂粉加$10要三只饺子，三只饺另上，韭菜馅料充足。不过我而家对吃饺子真系冇乜兴趣，而且吃韭菜吃得多又话唔得，非韭菜馅料的饺子又好似冇乜瘾，因此甚少主动吃饺反而卤水猪大肠，另上一碟仔，味道带点甜味，甜多过咸，味道特别，猪肠弹又不韧，值得一试。收费廉宜，服务一流，即叫即整，味道上盛，这些才是值得支持的小店。
继续阅读
环境：社交平台睇见有人推介呢间猪杂粉，就走去试试。店舖不大，只有3张枱，每张枱只能容纳2人，超细嘅食店，今天3X度，店内有冷气有风扇，但无开，食到满头大汗。。呢碗猪杂粉，有河粉，米粉，米线和濑粉，以供选择，细嘅48元/大嘅58元，如图片中的是细size，汤底是混浊的，味道只是一般货色。基本上猪杂每款只得1件，粉底唔算多，收得48元，起码畀多少少粉底吧。。大Size加10元，餐单写明会100%加大，段估是每款猪杂两件，食完都应该唔会饱。这么细嘅舖，有冷气有风扇但无开，收这样48玩一碗嘅价钱，仲要食到大汗叠细汗，有点离地~无下次。
继续阅读
本来唔系太好内脏，仲要牛杂听得多，猪杂真系比较少。但经过见到keep住有街坊帮衬呢间猪杂粉，所以胆粗粗坐低试吓！店内坐位唔多，款式亦都系餐牌上见到嘅。但个人认为种类唔需要多，只要煮得好味就够哂数！加上货源声称系本地自设猪肉档，元朗街市就有得买，所以先可以保证内脏新鲜！大猪杂粉:超级有惊喜！因为每款内脏都觉得系爽口，口感唔觉得粉，亦无乜内脏味！除咗瘦肉，仲有齐猪膶猪肺猪心猪腰猪横利，再加一啲唔知系咩嘅猪杂！配埋炸蒜加汤一齐食，好出色！直头想再加猪杂！另外跟粉可以加$10有3只手工饺，拣咗韭菜水饺！同样十分出色，好足料，$10/3只嚟讲仲要好大粒！猪膶米线:本来点猪膶米线系因为惊猪杂粉唔啱食，猪膶应该最稳阵。下次一定点猪杂粉！小总结💬猪杂粉超级出色！清汤配上炸蒜，令成个粉再升华！所以呢个价钱食到碗咁出色嘅粉，超级推介！(满分为🤤x5)好味指数: 🤤🤤🤤🤤抵食指数: 🤤🤤🤤🤤🤤回头指数: 🤤🤤🤤🤤🤤
继续阅读
食Lunch时间咁啱经过老板娘话系用新鲜猪杂于是就比佢引咗入去，招牌猪杂粉(其实即系普通size)同增量猪杂粉(其实真系加大版)只系差$10，老板娘话增量版系多一份猪杂，所以差$10我就叫咗碗大嘅。新鲜猪杂真系可遇不可求，原来呢间野嘅本业系在街市卖猪肉嘅，所以可以攞到D靓猪杂，猪杂入面款式都多，有猪润猪肺猪大胶猪生肠猪腰猪黄喉猪粉肠等，而且以$68黎讲份量真系好足好大碗，真系好抵食，内脏控真系要试吓。
继续阅读