影片
更多
2022-10-11
46 浏览
今晚去咗銅鑼灣食一間老牌小炒店 - 財記辣蟹私房菜! 呢間位於商廈二樓, 三樓仲有六間VIP房。呢度環境闊落又夠光明 啱曬一大班朋友聚餐, 私隱度有極高! 如果家庭聚會可以考慮下VIP房! 呢間小炒店出名係海鮮, 食辣蟹🦀為主, 海鮮🦞🦐🦑價錢係時價計算的。 除咗海鮮類之外, 仲有其他豬, 牛, 雞, 蔬菜, 煲類, 湯類及大多數嘅飯麵都有, 全部小菜大約都係百幾至幾十蚊就有交易! 👍🏻今日我哋唔食蟹, 叫咗生蠔, 炸豆腐, 馬拉盞通菜, 粟米海皇羹, 同一個瑤柱蛋白炒飯。粟米海皇羹(例鍋) - $108粟米🌽海皇羹除咗粟米湯底之外, 仲加有好多海鮮粒🦀🦞🦐🦑同埋蟹膏一齊煮, 夠哂鮮味! 唔好要為例鍋會好少, 夠四個人份量有多! 😂酥炸美國生蠔 - $228呢個酥炸生蠔真係超大隻, 隻隻都大過我嘅拳頭, 而且非常之香脆, 又juicy! 脆皮炸豆腐 - $78炸豆腐比平時嘅大粒, 而且份量好多, 皮脆內嫩, 仲要粒粒都熱辣辣, 每粒都沾滿 椒鹽, 仲配有一碟甜辣醬, 非常之惹味, 食到唔停得口。😋馬拉盞炒通菜 - $82馬拉盞炒通菜炒得非常之夠鑊氣, 除咗有少少香辣味之外, 仲落咗啲
呢間小炒店出名係海鮮, 食辣蟹🦀為主, 海鮮🦞🦐🦑價錢係時價計算的。 除咗海鮮類之外, 仲有其他豬, 牛, 雞, 蔬菜, 煲類, 湯類及大多數嘅飯麵都有, 全部小菜大約都係百幾至幾十蚊就有交易! 👍🏻
今日我哋唔食蟹, 叫咗生蠔, 炸豆腐, 馬拉盞通菜, 粟米海皇羹, 同一個瑤柱蛋白炒飯。
粟米海皇羹(例鍋) - $108
粟米🌽海皇羹除咗粟米湯底之外, 仲加有好多海鮮粒🦀🦞🦐🦑同埋蟹膏一齊煮, 夠哂鮮味! 唔好要為例鍋會好少, 夠四個人份量有多! 😂
酥炸美國生蠔 - $228
呢個酥炸生蠔真係超大隻, 隻隻都大過我嘅拳頭, 而且非常之香脆, 又juicy!
脆皮炸豆腐 - $78
炸豆腐比平時嘅大粒, 而且份量好多, 皮脆內嫩, 仲要粒粒都熱辣辣, 每粒都沾滿 椒鹽, 仲配有一碟甜辣醬, 非常之惹味, 食到唔停得口。😋
馬拉盞炒通菜 - $82
馬拉盞炒通菜炒得非常之夠鑊氣, 除咗有少少香辣味之外, 仲落咗啲蝦乾落去一齊炒, 有少少鹹香嘅味道! 通菜又唔會炒得過老, 非常之爽口😋👍🏻
瑤柱蛋白炒飯 - $88
炒飯炒得好真係要粒粒分明, 呢個蛋白炒飯炒得非常之爽, 仲有香蔥及蛋白味, 配有菜粒, 真係好正!
茶位$10/位, 花生$20/碟
舖名: 財記辣蟹私房菜
地址: 銅鑼灣駱克道447-449號中威商業大廈2至3樓
#hkfoodie#hkfoid#香港美食#銅鑼灣#銅鑼灣美食#財記辣蟹私房菜#酥炸生蠔#脆炸豆腐#海鮮#CWB#私房菜
张贴
