有魚

营业中

休息中

早幾日陪媽咪去楊屋道買餸，周圍行睇下有咩水果買，點知比我地見到有間新開的餐廳叫有魚，我咁八卦緊係行去裝下有咩食啦！原來係食小菜的又有雞煲呀！買海鮮加工又得，我見新店就同媽咪講，不如今晚唔好煮，我地幾食呢間啦！ 哈哈媽咪聽到唔洗煮緊開心，即叫好!睇完餐牌覺得都好多選擇咩都有d 唔錯， 最後我就叫了以下幾款：黃金蝦 ~ 先炸蝦再用咸旦王煮超咸香，我忍唔住連殼食。西芹腰果炒雞丁 ~ 我最愛的小菜去到邊都要點，因越簡單越好食，大愛腰果 。荔枝肉 ~ 每一舊都好淋，個汁酸酸甜甜小朋友最愛。瑤柱蛋白炒飯 ~ 太大碟了， 飯炒到粒粒分明好香，我地爭住食呀！本來仲想叫多兩碟小菜的，但見佢每碟都咁大碟唔想浪費，所以叫左咁多就停，另外叫左兩枝啤酒，一枝王老吉，一罐可樂，大家都食得好飽咁回家。我走時見到隔離枱食酸菜魚超吸引，我下次一定要找朋友陪我來食先得。