阿三大牌檔

营业中

休息中

去咗大埔食嘢🥳見呢間阿三大排檔好有人氣，好多街坊捧場，裏面裝修明亮，係新式嘅室內大排檔，非常乾淨企理～小菜選擇好豐富。🔶古法啫啫豬潤雞煲 $88唔同一般嘅啫啫雞煲，仲加入左豬潤同埋豬肚，分量超多～全部都好惹味，我最鍾意啲大冬菇，厚肉彈牙又入味。🔶椒鹽雞軟骨腰果 $48雞軟骨爽脆有咬口，椒鹽炸脆好惹口，忍唔住食完一粒又一粒～仲有好多腰果，佐酒一流。🔶脆皮咕嚕豬頸肉 $88咕嚕肉特別用咗爽脆嘅豬頸肉，炸得香而不膩，入口有少少油脂甘香。醬汁酸甜開胃～非常好送飯。🔶馬拉盞啫啫通菜煲 $78通菜同馬拉盞真係絕配～吸晒醬汁精華，鹹香撲鼻！仲有好多蝦米粒粒同碎肉粒粒，有口感又惹味十足。