大灰熊廚房 (裝修中)

將軍澳一頭都係商場接商場，食過幾次貴又唔好食。好彩有地頭蛇帶我去食大灰熊🐻 價錢合理，仲要好夠鑊氣 🍳 兩位用嘅家庭餐$228，包兩款精美小菜、一款湯羹、兩碗白飯、兩杯熱飲。價錢相當實惠，食物質素唔錯😊 粟米豆腐羹鮮甜清潤，蒜香一字骨惹味又鬆軟，蒜蓉粉絲蒸勝瓜清甜滑口，解解煎炸食物嘅熱氣。環境企理又裝飾得唔錯，有圓枱又有卡位，食物質素有保證👍🏻 果然無介紹錯😊 呢度嘅家庭餐都幾抵食，有機會下次再去開飯啦。