阿三大牌檔

营业中

休息中

今晚早收工，諗住去直街搵食，見到開了間新店，以大排擋同懷舊粵菜口味作主打，一於入去試試，餐廳地方闊落，有靠牆卡位，或大細長枱或圓枱選擇，今晚就係安排卡位，望望餐牌有不同選擇分類清晰，今晚就點了個懷舊粵菜鹹酸菜炒牛柳絲，煲仔菜啫啫蝦乾唐生菜，南乳炸雞件，同埋蒜蓉燒扇貝，四樣菜式。店員落單後座了一陣，一個接一個菜就出來，最快就係個啫啫蝦乾唐生菜，唐生菜炒得十分香口，大量蝦乾配上肉碎，味道夠晒十分香濃，超有鑊氣！接住就係蒜蓉燒扇貝，大大隻扇貝，燒到剛好，肉質十分彈牙，配埋蒜香味道香濃入口十分滋味！而個懷舊粵菜鹹酸菜炒牛柳絲，有超勁鑊氣爆得超香嘅紅椒青椒，混埋開胃嘅鹹酸菜，同埋再加埋香軟牛柳絲，炒得非常入味，果然夠鑊氣，超有大排檔口味！另外這個南乳炸雞件真係十分驚喜，炸雞件外面有香濃南乳口味，外脆內軟，入口陣陣南乳香味之餘，雞肉肉質亦十嫩滑，因雞件關係都會有骨，但數量唔算多！份量足大大碟超有鑊氣，就係大排檔嘅感覺！下次可以同喜歡有鑊氣濃味嘅家人再試吓其他菜式。