一方燒肉

营业中

休息中

朋友去完旅行相約出黎聚舊兼派手信, 選址大角咀一間燒肉店「一方燒肉」,餐廳地方乾淨企理, 設大部分卡位, 坐得舒服。除了燒肉, 仲有數款小食、熟食等選擇。【和牛拼盤】HK$328和牛舌: 厚切爽彈, 表面稍為燒至金黃, keep到肉汁。牛小排: 牛脂豐富, 一咬牛脂湧出, 肉質出奇地林牛西冷: 牛脂同樣豐富, 對比下呢款有咬口一點和牛角切: 分別有兩款, 角切牛脂超豐富; 另一款牛脂較少, 肉味偏重, 食落冇咁膩。【鮮蠔石頭鍋泡飯】HK$128鐵鍋裝住飯同埋生蠔、東菇同埋雞肉絲, 所有配料都係生的, 侍應即席將清湯加入鐵鍋中, 隨即熱得滾起, 雖然冇火興住, 但鍋中都滾了好幾分鐘, 侍應建議如果想食杰一d, 就可以等耐少少先食, 好讓飯粒盡吸湯汁。為二人飯碗份量, 整個泡飯鮮甜味十足! 加入紫菜絲、蔥粒, 多一份香口; 如果蠔肉可以原隻上會更滿足。