順興茶餐廳

营业中

休息中

趁今日肥髀早放學！自己接女放學！再到主題餐廳食甜品，甜品前先醫肚，大坑早上基本上得茶餐廳！其他餐廳都要1130先開始營業！看到呢區有幾間鐵皮檔茶檔！同肥髀懷舊下！鐵皮檔開在後巷！用摺枱摺櫈！幸好今日唔熱有啲風！坐得算舒服！而後巷都光猛乾淨！坐低接近1100，叫了：芝蛋治：本來肥髀叫芝腿治，但已經無火腿！所以改芝蛋！麵包好鬆軟，一開四，細細件，方便食！滑炒蛋加半溶芝士！好味！腸仔炒蛋多士：本來叫餐肉，但又無晒！改腸仔！腸仔切片炒蛋！炒蛋夠滑，腸仔煎過！唔會過咸！肥髀食咗都話腸仔好味，多士香脆！熱檸茶+凍檸茶：呢種茶檔嘅茶膽唔錯，濃得來唔澀，仲幾香！不過用紙杯同膠杯紙杯上！可能要減省洗碗人手！店員幾勤快，對住肥髀仲有笑容！落單收錢都好爽！