叉燒丼家

营业中

休息中

喺新蒲崗想食鐵板餐、之前有翠華但係竟然執咗。見到呢度有鐵板餐就即管試試 ⋯⬇️呢排佢哋做緊一堆半價優惠、而其中一款鐵板牛肩扒餐都由$128減到$88。其他鐵板餐都大約$70-90已經有，所以叫咗一份牛肩扒同一份吉列魚柳珍寶腸配牛扒鐵板、兩份都揀咗忌廉湯！⬇️首先嚟咗忌廉湯，佢寫住菠菜煙肉忌廉湯。但係一啲菠菜都冇、只係齋忌廉湯加D好咸煙肉o係上面，麵包就正正常常配牛油。跟住鐵板餐就嚟啦 ⋯⬇️鐵板其實好夠熱出晒煙、一落汁就滋滋聲好吸引。牛肩先上、跟住就到我份乜都有扒餐，但係望落去兩份餐嘅牛扒係一樣！咁乜都有餐一樣價錢仲多塊勁大吉列魚柳同勁長珍寶腸抵食好多 ⋯ 但一落汁唔係好耐就由香味變咗做燶味、原來我份乜都有個底已經燶埋。⬇️我就試哂兩份餐嘅牛扒、Size同味道基本上一模一樣而且冇乜肉味。我份乜都有既炸魚柳大而冇味，蒜蓉汁亦都偏淡！而且薯條嘅下面同西蘭花都已經燶左一半，所以真係好睇唔多好食、不過勝在佢價錢係平而且好坐冇乜人。⬇️⬇️侍應啲服務都好、但係下次應該唔會再食鐵板餐而食返普通叉燒飯（呢間野嘅主題）。