鉄皇子小賣所 (已搬遷) 新店位置

之前一直走高檔路線既鐵板燒餐廳，最近轉型做左立食店，價錢平左，質素仍然無變，之前因為價錢貴所以無入去食過，宜家見價錢平平地，買左幾款食物外賣帶走當lunch！鐵板牛肉丼飯 $58呢個價錢可以睇住師傅系你面前即場燒，好似平時既貴價鐵板燒一樣，睇得又食得！牛肉燒得好惹味，肉質軟嫩，配上特製燒汁，味道吾會太咸，白飯仲左珍珠米，加左洋蔥同洋蔥汁，日系風味十足。鐵板鰻魚丼飯 $88原條鰻魚去燒，一開始會以鐵板燒同焗一陣，接近全熟時再用火槍燒一燒表面，鰻魚燒得好香，表面亦有少少香脆。鰻魚醬汁仲用左鰻魚骨熬製左4個多小時，睇得出落左吾少功夫。鐵板牛肉薄燒 $78牛肉夠薄，口感同樣軟嫩，而且無筋，入面包住炸蒜片、葱粒，食落去更加香。