影片
更多
2024-02-21
22 浏览
平時食Omakase都係食魚生為主，今次第一次食鐵板燒omakase。我地今次叫咗dinner teppanyaki set, 每人 $1480。第一道上嘅係季節前菜。有三款小食，分別係靜岡蕃茄、蟹肉醋物同北海道白粟米。靜岡蕃茄用咗少少麻醬嚟調味，肉質嫩滑。北海道白粟米同樣清甜可口。蟹肉醋物有少少酸，令人開開胃。之後師傅擺咗碟即將會燒嘅海鮮同牛肉上枱，見到鮑魚仲郁緊好生猛。南非鮑魚用咗少少紫菜嚟燒，入口唔硬。下面墊底嘅海帶質地彈牙，又索晒啲紫菜汁嘅味。野生大虎蝦虎蝦啖啖肉，即使調味唔多，就咁落少少檸檬汁已經好好食，而且可以啜埋個好入味嘅蝦頭。香煎銀鱈魚個人覺得係其中一個是日最好食嘅菜式，師傅叫我哋食咗個魚皮先，果然係好香口。魚肉燒到外面微微脆身，但入面魚肉嘅肉汁仲保留到，好軟滑多汁。另外粉紅色嘅蓮藕有少少酸，可以解下油膩感。香草牛油帆立貝帆立貝燒到半生熟啱啱好，個牛油汁好香好好味，而且個汁落咗少少紫菜碎，雖然明知佢肥但係都忍唔住飲晒佢。美國頂級牛肉師傅有問我哋想燒幾成熟，我哋就叫三成，生生地最好食。另外旁邊仲有啲配菜好似係炸蒜頭片、燒辣椒仔、洋蔥沙律。鹿兒島櫻花蝦炒飯炒飯好入味，啲櫻花
我地今次叫咗dinner teppanyaki set, 每人 $1480。
第一道上嘅係季節前菜。有三款小食，分別係靜岡蕃茄、蟹肉醋物同北海道白粟米。靜岡蕃茄用咗少少麻醬嚟調味，肉質嫩滑。北海道白粟米同樣清甜可口。蟹肉醋物有少少酸，令人開開胃。
之後師傅擺咗碟即將會燒嘅海鮮同牛肉上枱，見到鮑魚仲郁緊好生猛。
南非鮑魚
用咗少少紫菜嚟燒，入口唔硬。下面墊底嘅海帶質地彈牙，又索晒啲紫菜汁嘅味。
野生大虎蝦
虎蝦啖啖肉，即使調味唔多，就咁落少少檸檬汁已經好好食，而且可以啜埋個好入味嘅蝦頭。
香煎銀鱈魚
個人覺得係其中一個是日最好食嘅菜式，師傅叫我哋食咗個魚皮先，果然係好香口。魚肉燒到外面微微脆身，但入面魚肉嘅肉汁仲保留到，好軟滑多汁。另外粉紅色嘅蓮藕有少少酸，可以解下油膩感。
香草牛油帆立貝
帆立貝燒到半生熟啱啱好，個牛油汁好香好好味，而且個汁落咗少少紫菜碎，雖然明知佢肥但係都忍唔住飲晒佢。
美國頂級牛肉
師傅有問我哋想燒幾成熟，我哋就叫三成，生生地最好食。另外旁邊仲有啲配菜好似係炸蒜頭片、燒辣椒仔、洋蔥沙律。
鹿兒島櫻花蝦炒飯
炒飯好入味，啲櫻花蝦有少少烤香左嘅味道。
炒菜
雖然係大豆芽看似普通，但其實都炒得幾好食好香口，大豆芽又新鮮同嫩身。
個魚湯好有鮮味，加上落咗海帶同同埋比較特別嘅山藥，同平時普通日式餐廳麵豉湯感覺好唔同。
最後以抹茶紅豆布丁作結。
以omakase 嚟講，價錢唔算太貴，算係咁啦~
张贴
