上野鐵板燒專門店

营业中

休息中

同朋友系旺角行完街，讲起之前一齐去旅行系日本食铁板烧，倾得兴起想食下，search下见到呢间人地话唔太贵又好食，即刻就行过嚟试下。我地见到有大虾个个餐两个人都只系$658，就叫咗呢个。首先嚟个沙津，系木鱼丝蟹子沙津，好开胃呀。跟住就嚟咗个面豉汤。之后就嚟咗个双色刺身，有甜虾同赤贝，好鲜甜，唔错。职员拎一阵会煎既食材俾我地睇下先，见到块扒同大大只虎虾已经好期待！香草龙脷柳，师傅系我地面前整，烧得好冧，味道好香，小小咸，几钟意呢个口味。重头戏嚟啦，只虾超大只，师傅话好出面好少有呢啲老虎大虾。师傅放上嚟枱面个阵已经好香，个虾肉劲大旧劲厚实，再加啲调味料更加香，超好味！第三个重头戏，美国安格斯肉眼扒，又系好香，烧得好均匀，啲肉又系好冧好好食。食咗咁多肉，好彩有返啲菜平衡返，个大菇都好好食。最后食埋个饭就真系饱晒，呢个系烟肉黄金炒饭，好香口呀！最后有个甜品，呢个系鸡蛋布甸，仲加咗练奶系面，好香好好食。