御鐵

营业中

休息中

御鐵- 鐵板燒 ： 味道一流鐵板燒🔥位於銅鑼灣核心地段，我聽人講佢幾好食，所以我決定親自去試下。環境寬敞、整潔、好舒服。🤓侍應友善服務感覺係唔chur 同時舒服嘅，師傅亦詳細介紹菜式。🫡前菜沙律🥗第一道：白松貝🐚，其實遮係象拔蚌🐘。驚艷嘅菜式！口感非常好，同時師傅煮依個菜係盡顯鐵板燒嘅優點 - 汁醬唔重但好香口👍🏼👍🏼，配海鮮係一流，同時保存咗海鮮嘅鮮味！貝有咬口。第二道： 西澳龍蝦配海膽汁🦞🦞，真係絕品。龍蝦嘅鮮嫩同海膽嘅鮮美完美結合，龍蝦8分熟，本身係刺身級每一口都帶嚟一種奢華嘅享受。呢道菜嘅味道同質感真係難以忘懷。😋第三道：澳洲牛柳🥩，牛肉嘅鮮嫩同濃郁，牛味好重，同和牛係另一種體驗，六面都煎得好香口，非常滿足。第四道：清酒煮蜆湯，蜆鮮，個鰹魚湯都舒服。逐粒逐粒見師傅一熟就夾出黎，每一啖都係功夫。第五道：海膽炒飯🍚，真係一個完美嘅結尾。每一口都充滿海膽嘅鮮美，飯嘅口感分明同香濃。最後就有芝麻雪糕🍨做結尾，上碟都有心思。總括嚟講，御鐵係一間令人驚喜嘅餐廳。佢嘅環境舒適，服務周到，每一道菜都令人驚艷。每一道菜都展現出廚師嘅專業同用心。