鉄人大盛 (已結業)

放題或者自助任食打邊爐就經常都會食，但係有埋鐵板燒呢就比較少。位於尖沙咀格蘭中心地庫嘅呢間鐵人大盛就主打鐵板燒加日式放題，都幾特別星期日晚上六點鐘嚟到，已經有好多人客入坐。我哋俾安排喺鐵板燒旁邊，一路睇住師傅少煮羊架同埋雞扒，一路食住刺身、壽司再加埋鐵板燒，幾有風味鐵板燒有主打羊架、芝士醬帶子、鵝肝多士等，鍾意食嘅朋友真係食多幾件都回本啦。另外仲有泰式雞扒、豚肉生姜燒、蔥花牛肉同埋燒汁一口牛，啱晒食肉獸，尤其泰式雞扒配一個泰式醬汁，酸酸辣辣好開胃，雞皮又燒得脆，夠香口，啱晒我胃口呢個一般。鰻魚都唔錯。另外刺身一嚟到已經上一份雜錦俾你，有帶子北寄貝、赤貝、三文魚腩、吞拿魚同埋牡丹蝦第。最鍾意係赤貝同埋牡丹蝦，新鮮爽口啖啖肉。另外點有幾款壽司，當中最鍾意火炙左口邊魚，燒過後夠油香，魚肉又夠滑，好食熟食方面有串燒，亦都有炸物同埋料理，我哋都點左幾款串燒，最鍾意燒菠蘿、雞髀菇同埋雞翼，燒起熱辣辣香噴噴飽肚又暖胃，正。最後仲有任食Häagen-Dazs雪糕，有雲呢拿、朱古力、士多啤梨、香蕉、曲奇同埋咖啡口味任你食，鍾意食雪糕嘅朋友食晒幾款，想唔歸本都難呀飲品自取。