影片
更多
2022-10-04
36 浏览
忙碌生活中更要好好愛錫自己，偶爾食返餐好嘅慰勞下自己，先有動力繼續努力為夢想打拼😆 今晚約咗舊同事一齊去銅鑼灣<御鐵>食鐵板燒，享受一下人間美食😆餐廳環境唔算大，但坐得舒適。我地揀咗食Otestu Dinner Set E $2,988/兩位另加一。點餐後師傅就着手準備食材，而我地坐定定等睇師傅表演🙈煙三文魚沙律醬汁三選一，可以選擇柚子醋、芥末醋、蕃茄蒜汁，我就揀咗柚子醋🙈 沙律菜份量都頗多而且足料，有煙三文魚、沙律菜、 羽衣甘藍、青瓜同車厘茄等，全部都好新鮮爽脆，伴上柚子醋味道酸甜又清新，好開胃😚北海道鮮帶子配魚子醬整道菜色澤鮮豔奪目，賣相滿分💯 帶子厚身鮮嫩，配上帶點咸香及口感creamy嘅no. 2魚子醬，能為帶子提鮮之餘亦為菜式添上貴氣，配搭完美👍 師傅喺魚子醬上加少少食用金箔同紫蘇花作點綴，好睇又好食😋 我地一口帶子一口魚子醬咁食，非常滿足😚 師傅教落紫蘇花可以搣開配埋帶子一齊食用，味道都幾特別🙈 墊底配菜有脆甜多汁嘅日本黃瓜，配上手打波菜汁都好好食😏南非活鮑魚配海苔醬我地食緊上一道菜時，師傅已經準備好燒鮑魚🙈 鮑魚有手掌咁大隻，而且非常新鮮，喺鐵板上仍然郁緊
餐廳環境唔算大，但坐得舒適。我地揀咗食Otestu Dinner Set E $2,988/兩位另加一。點餐後師傅就着手準備食材，而我地坐定定等睇師傅表演🙈
煙三文魚沙律醬汁三選一，可以選擇柚子醋、芥末醋、蕃茄蒜汁，我就揀咗柚子醋🙈 沙律菜份量都頗多而且足料，有煙三文魚、沙律菜、 羽衣甘藍、青瓜同車厘茄等，全部都好新鮮爽脆，伴上柚子醋味道酸甜又清新，好開胃😚
北海道鮮帶子配魚子醬整道菜色澤鮮豔奪目，賣相滿分💯 帶子厚身鮮嫩，配上帶點咸香及口感creamy嘅no. 2魚子醬，能為帶子提鮮之餘亦為菜式添上貴氣，配搭完美👍 師傅喺魚子醬上加少少食用金箔同紫蘇花作點綴，好睇又好食😋 我地一口帶子一口魚子醬咁食，非常滿足😚 師傅教落紫蘇花可以搣開配埋帶子一齊食用，味道都幾特別🙈 墊底配菜有脆甜多汁嘅日本黃瓜，配上手打波菜汁都好好食😏
南非活鮑魚配海苔醬我地食緊上一道菜時，師傅已經準備好燒鮑魚🙈 鮑魚有手掌咁大隻，而且非常新鮮，喺鐵板上仍然郁緊😏 師傅僅加少少鹽來調味，以保留鮑魚嘅原汁原味。記得先食鮑魚，再食鮑魚肝😙 鮑魚肉質厚實彈牙，口感嫩滑帶點嚼勁，估唔到鮑魚配上海苔醬不單係味道匹配，仲可以提升鮑魚嘅鮮甜味，超級正呀👍 舊同事係第一次食鮑魚肝臟，佢大讚鮑魚肝味道甘香，口感creamy，食得好開心😆 配菜係雞冠海藻，含有豐富嘅骨膠原，口感爽滑，貪靚嘅我地當然食到一件不留🙈
西澳龍蝦配海膽汁師傅將成隻龍蝦起肉，離殼嘅蝦肉晶瑩剔透，非常新鮮🤭 師傅將龍蝦肉燒至八成熟，再簡單裝飾就上碟😌 啖啖龍蝦肉，咬落鮮甜爽口，再配上由龍蝦膏、牛油同海膽一齊煮成嘅醬汁味道就更加香濃惹味，同時又唔會搶去龍蝦本來嘅鮮味，唔錯唔錯👍
香煎法國鴨肝第一次見到鴨肝解凍中嘅樣子，原來係咁肥大🤣 師傅用上食用花及爽脆鮮蘆筍作點綴，令賣相精緻吸引😙 煎香後嘅鴨肝外脆內軟，口感軟綿且入口即化🤤 食用時可配搭青蘋果或者意大利黑醋來中和鴨肝嘅油膩感，味道亦帶點青蘋果嘅清新果酸，正！
熊本縣A5和王牛有薄燒同厚燒。師傅介紹話呢款和牛由日本直送至烹調前都冇急凍過的，保持在零至二度冷藏。薄燒同厚燒我地都嗌咗五成熟，生熟度煎得啱啱好🤭
先係薄燒。油花分佈非常靚，師傅煎和牛時已經油香十足，和牛捲住炸蒜同香葱，再配埋獨子蒜片一齊食，口感層次豐富，而且和牛肉質細嫩，牛味濃郁，令人一試難忘🤤
再到厚燒。和牛肉質軟嫩，油花遍布均勻，鮮嫩又入口即化。先食一件原汁原味，第二件就點少少竹炭鹽同芥末，再夾埋香脆嘅獨子蒜片一齊食，風味十足，而且口感不俗👍 值得一提嘅係呢款芥末同平時食開嘅好唔同，呢款芥末係即磨的，食落又唔會好攻鼻，仲可以平衡和牛嘅油膩感，幾有驚喜😍 伴碟有美國大啡菇、法國蘆筍同翠玉瓜，相當豐富😎
三文魚籽海膽炒飯杯裝炒飯賣相吸睛，因為表層鋪滿了三文魚籽同海膽，已經令人食指大動好期待🤤 炒飯好足料，有蝦粒、蜆肉及帶子粒等，而且炒得好乾身，粒粒分明。每口炒飯配上味道甘甜濃厚嘅海膽，或者配上咬落就爆出魚油、味道咸鮮並重嘅三文魚籽都好好食😋 呢個炒飯不論係味道定係口感，都係滿分之作👏
昆布鰹魚清湯食完炒飯後飲返碗熱湯就啱哂啦🤭 呢款湯湯料以昆布同菇為主，仲有件刺身級嘅北寄貝，飲落清甜又暖胃
最後，我地就叫咗杯凍檸茶同柚子味雪糕解解膩消消滯，亦為今餐劃上美滿句號😋
张贴
